Były prezident Brazilii Fiernandu Kołar dy Miełu asudžany da 8 hadoŭ 10 miesiacaŭ turmy pa spravie ab karupcyi. U sieradu Viarchoŭny sud Brazilii pryznaŭ 73-hadovaha eks-kiraŭnika dziaržavy vinavatym u chabarnictvie i admyvańni hrošaj, piša Deutsche Welle.
Sud paličyŭ dakazanym, što paśla svajho adychodu z prezidenckaj pasady ŭ 2010—2014 hadach Kołar dy Miełu, jaki byŭ členam Sienata, braŭ bujnyja chabary ad enierhietyčnaj kampanii BR Distribuidora — daččynaj firmy napaŭdziaržaŭnaj naftavaj kampanii Petrobras — u abmien na zaklučeńnie kantraktaŭ.
Kołar dy Miełu jašče moža abskardzić prysud paśla jaho poŭnaha abviaščeńnia.
Praces źviazany z karupcyjnym skandałam Lava Jato, jaki vyliŭsia ŭ 2014 hodzie, u jakim akazalisia zamiašanyja sotni palitykaŭ, dziaržsłužačych i biznesmienaŭ.
Prezident Brazilii ŭ 1990—1992 hadach
Fiernandu Kołar dy Miełu ŭ 1989 hodzie staŭ pieršym abranym prezidentam Brazilii paśla padzieńnia vajskovaj dyktatury i zaniaŭ pasadu ŭ 1990 hodzie. U śniežni 1992 hoda na fonie skandału vakoł vymahańnia hrošaj na pieradvybarčuju kampaniju i karupcyi jon pajšoŭ u adstaŭku. U 1994 hodzie sud jaho apraŭdaŭ praz adsutnaść dokazaŭ. Paźniej Kołar dy Miełu viarnuŭsia ŭ palityku i da lutaha 2023 hoda byŭ sienataram ad štata Ałahoas. U 2015 hodzie sud pačaŭ novaje rasśledavańnie ŭ dačynieńni da eks-prezidenta.
Ciapierašni prezident Brazilii Łuis Inasiu Łuła da Siłva adbyvaŭ turemnaje źniavoleńnie pa abvinavačańni ŭ karupcyi i admyvańni hrošaj. Paśla 580 dzion źniavoleńnia Viarchoŭny sud admianiŭ prysud u dačynieńni da Łuła da Siłva pa farmalnych padstavach.
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma2
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary