Śviatłana Cichanoŭskaja pryvitała rašeńnie Polščy ŭvieści novyja sankcyi suprać pradstaŭnikoŭ režymu
Śviatłana Cichanoŭskaja ličyć, što pašyreńnie sankcyj na sotni režymnych funkcyjanieraŭ, siłavikoŭ i ich pamahatych — «pasłańnie ŭsim tym, chto padtrymlivaje režym na svaich pasadach i svaimi dziejańniami».
«Heta važny žest salidarnaści z Andrejem Pačobutam i ŭsimi biełarusami, jakija pakutujuć ad ruk režymu. Usie palityčnyja źniavolenyja pavinny być vyzvalenyja z turmaŭ biez anijakich umovaŭ.
Heta taksama pasłańnie ŭsim tym, chto padtrymlivaje režym na svaich pasadach i svaimi dziejańniami. My spadziajomsia, što inšyja krainy taksama voźmuć sabie hety prykład i vinavatyja ŭ palityčnych prysudach paniasuć adkaznaść za svaje dziejańni», — cytuje Śviatłanu Cichanoŭskuju jaje pres-słužba.
Siońnia stała viadoma, što Polšča ŭviała sankcyi suprać 365 biełaruskich čynoŭnikaŭ, siłavikoŭ i supracoŭnikaŭ dziaržaŭnych miedyja, adkaznych za palityčnyja represii ŭ Biełarusi.
«Ja nie viedaju, ci jon žyvy». Cichanoŭskaja zapisała zvarot z nahody treciaj hadaviny zatrymańnia jaje muža Siarhieja
Deputaty Pałaty pradstaŭnikoŭ u Jeŭrapiejskim sudzie patrabavali źniać ź ich sankcyi. Nie atrymałasia
Prafsajuzy śvietu zaklikali ŭvieści poŭnuju ekanamičnuju błakadu łukašenkaŭskaha režymu
Polšča moža zabaranić ruch praź miažu hruzavikoŭ ź biełaruskimi i rasijskimi numarami
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary