Andrej Sańnikaŭ vydaŭ dychtoŭnuju knihu pra turemnuju kuchniu roznych krain
Eks-kandydat u prezidenty i były palitviazień Andrej Sańnikaŭ vydaŭ knihu «ZK — Zabaronienaja kuchnia», pryśviečanuju ježy i kuchni turmaŭ u roznych krainach. Srodki ad prodažu źbirajucca nakiravać na dapamohu palitviaźniam.
«Skončyŭ unikalny prajekt — turemnuju kulinarnuju knihu. Siabry dapamahli jaje hodna vydać. Kniha ŭnikalnaja tym, što recepty straŭ i apisańnie ich pryhatavańnia — heta toje, što nasamreč hatavali ZeKa ŭ turmach dla siabie», — napisaŭ Andrej Sańnikaŭ.
Pa jaho słovach, byli ŭ śviecie knihi receptaŭ straŭ, jakija raspracoŭvali ŭ roznych krainach dla viaźniaŭ, a na roznych movach vydavalisia knihi receptaŭ straŭ, jakija hatujuć u turmach i kałonijach.
Adnak kniha kulinarnaj tvorčaści samich asudžanych pakul adzinaja.
«Usie srodki ad realizacyi drukavanych praduktaŭ, da jakich ja maju dačynieńnie, iduć na dapamohu palitviaźniam Biełarusi», — zaznačyŭ palityk.
Kniha vydadziena pad psieŭdanimam Łapicyj (jaho pachodžańnie tłumačycca va ŭstupie da vydańnia), kab nie padviarhać niebiaśpiecy ŭdzielnikaŭ prajekta.
Usie stravy ŭ knizie hatavalisia ŭ niavoli i byli paŭtorany na voli ŭ aŭtentyčnym vykanańni.
«Dla biaśpieki achvotnikam zakazać knihu i tym samym dapamahčy palitviaźniam prapanuju pisać asabistyja paviedamleńni. Navat kali vy nie ŭ maich siabrach na FB, ja budu praviarać usie paviedamleńni. Abo napišycie pad pastom u fejsbuku, kali chočacie źviazacca.
Hrošy prapanujecca pieravodzić praz Paypal, Paysend ci niepasredna na rachunak arhanizacyi (zarehistravanaj u Jeŭropie, što jość harantyjaj metavaha vykarystańnia srodkaŭ).
Paśla atrymańnia apłaty kniha/knihi buduć adpraŭleny na ŭkazany vami adras.
Čytačam ź Biełarusi, na žal, knihu pakul dastavić niemahčyma z punktu hledžańnia biaśpieki, jaje mohuć zakazać siabry, jakija žyvuć za jaje miežami.
Čamu «ad»? Bo mohuć znajścisia čytačy, jakija zachočuć dapamahčy palitviaźniam Biełarusi ŭ bolšym abjomie i adnačasova atrymać unikalnaje vydańnie», — dadaŭ Andrej Sańnikaŭ.
Pačatkovy ŭznos — 99 jeŭra.
Stali viadomyja padrabiaznaści taho, jak u Vjetnamie zatrymali Vieramiejčyka21
Kamientary
rachunak arhanizacyi (zarehistravanaj u Jeŭropie, što jość harantyjaj
metavaha vykarystańnia srodkaŭ).....