Jak stała viadoma pravaabaroncam z Mayday, Maryja maje prablemy sa zdaroŭjem u žanočaj PK-4 u Homieli. Praz heta jana nie pracuje. Kala miesiaca tamu na pastrajeńni jaje pryjšłosia navat vyvodzić pad ruki.
Apošnim časam jana ŭtrymlivajecca ŭ «adzinočnaj kamiery», vidać, majecca na ŭvazie PKT. Da hetaha jaje rehularna adpraŭlali ŭ ŠIZA.
Razam z tym Maryja, jak paviedamlajecca, nie stračvaje siły duchu. Tak, jana pa-raniejšamu rehularna karystajecca čyrvonaj pamadaj — hetaja fiška stała simvałam niazłomnaści i aptymizmu Kaleśnikavaj.
Pry kancy minułaha hoda stała viadoma, što Maryja trapiła ŭ špital z chirurhičnaj patałohijaj, dzie jaje praapieravali. Paśla taho jaje tak-siak padlačyli i vypisali, ale całkam adnavicca, jak vyhladaje, nie dali.
6 vieraśnia 2021 hoda Minski abłasny sud paličyŭ Maryju Kaleśnikavu vinavataj u ździajśnieńni złačynstvaŭ, praduhledžanych č. 1 art. 357, č. 3 art. 361, č. 1 art. 361-1 Kryminalnaha kodeksa, i asudziŭ da 11 hadoŭ pazbaŭleńnia voli za zmovu z metaj zachopu dziaržaŭnaj ułady niekanstytucyjnym šlacham, stvareńnie ekstremisckaha farmavańnia i kiravańnie takim farmavańniem, publičnyja zakliki da zachopu dziaržaŭnaj ułady.
Ciapier čytajuć
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1111
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»11
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary