Minabarony Rasii paviedamiła pra pajezdku Šajhu ŭ «pieradavy punkt na zaparožskim napramku»
Ministerstva abarony Rasii śćviardžaje, što Siarhiej Šajhu naviedaŭ «zonu śpiecapieracyi» («śpiecapieracyjaj» rasijskija čynoŭniki nazyvajuć vajnu va Ukrainie) i prainśpiektavaŭ pieradavy punkt kiravańnia adnaho z abjadnańniaŭ hrupoŭki vojskaŭ «Uschod» na zaparožskim kirunku.
«Na kamandnym punkcie kiraŭnik rasijskaha vajskovaha viedamstva zasłuchaŭ dakłady kamandujučaha hrupoŭkaj «Uschod» i aficeraŭ štaba pa biahučaj abstanoŭcy», — havorycca ŭ pres-relizie viedamstva.
Taksama było apublikavana videa, dzie razam z Šajhu na naradzie prysutničajuć načalnik Hałoŭnaha apieratyŭnaha ŭpraŭleńnia (HAU) Hienštaba Siarhiej Rudskoj i hienierał-pałkoŭnik Andrej Kuźmienka, ale niama hienierał-lejtenanta Rustama Muradava.
Pra toje, što hrupoŭkaj «Uschod» bolš nie kiruje Muradaŭ, raniej paviedamlali ŚMI i telehram-kanały, adnak aficyjnaha paćviardžeńnia hetaj infarmacyi nie było.
«Kamandujučamu i kamandziram pastaŭlena zadača praciahvać aktyŭnaje viadzieńnie kompleksnaj raźviedki dla svoječasovaha vykryćcia płanaŭ praciŭnika i spynieńnia ich realizacyi», — havorycca ŭ pres-relizie Minabarony.
Mahčyma, havorka idzie pra ŭkrainskaje kontrnastupleńnie. Zaparožski kirunak ličycca samym imaviernym dla nastupalnych dziejańniaŭ Ukrainy ŭ siłu jaho pieravah dla ŭkrainskaj armii. Pośpiech u časie hetaha nastupu dazvolić ukraincam nie tolki viarnuć kantrol nad Zaparožskaj AES, ale i — u vypadku vychadu da Azoŭskaha mora — pierarezać «suchaputny most» u Krym, pa sutnaści, izalavaŭšy raźmieščanuju tam rasijskuju hrupoŭku, piša Bi-bi-si.
-
«Nie viedaju, jak u tym pansijanacie moh by chtości vyžyć». Što raskazvajuć u vioscy ŭ Kijeŭskaj vobłaści, dzie zahinuli 37 čałaviek
-
Ukrainskija drony ŭdaryli pa «Azonie» ŭ Biełharadzie
-
«Šachiedy», jakija laciać na Kijeŭ, mohuć praciahvać vykarystoŭvać dla navihacyi biełaruskija stancyi mabilnaj suviazi
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary