U niamieckim Aachienie prachodzić cyrymonija ŭručeńnia premii imia Karła Vialikaha, jakuju ŭ hetym hodzie atrymaŭ prezident Ukrainy Uładzimir Zialenski.
Siarod prysutnych była i Śviatłana Cichanoŭskaja. Palityki pacisnuli ruki, pieradaje pres-słužba Cichanoŭskaj.
Na cyrymonii taksama prysutničajuć kancler FRH Ołaf Šolc, staršynia Jeŭrakamisii Ursuła fon der Lajen.
Razam ź Cichanoŭskaj ad Biełarusi pryjechali Taćciana Chomič (siastra Maryi Kaleśnikavaj) i Vieranika Capkała jak łaŭreaty premii minułaha hoda.
Mižnarodnaja premija imia Karła Vialikaha — adna z najbolš značnych jeŭrapiejskich uznaharod, jana ŭručajecca z 1950 hoda ludziam i arhanizacyjam za ich viadučuju rolu ŭ abjadnańni Jeŭropy. U 2019 hodzie premijaj byŭ hanaravany hienieralny sakratar AAN Antoniu Huteryš, za hod da hetaha — prezident Francyi Emaniuel Makron, u 2017-m uznaharodu atrymaŭ brytanski historyk Hartan Eš, a ŭ 2016-m — Papa Francišak.
U roznyja hady hetaj premijaj u liku inšych hanaravalisia karol Ispanii Chuan Karłas I, Papa Jan Pavieł II, były viarchoŭny pradstaŭnik ES pa źniešniaj palitycy i biaśpiecy Chaŭjer Sałana, byłaja kanclerka FRH Anhieła Mierkiel i staršynia Jeŭrapiejskaj rady Chierman Van Rompiej.
Učora Zialenski vykazvaŭsia adnosna Biełarusi: «Niahledziačy na prapahandu, biełarusy zmahajucca. 70% biełarusaŭ suprać Rasii». Rytoryka ŭkrainskich uład jaŭna źmianiajecca.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary