Składana pavieryć, ale fakt. Krasavik u Biełarusi byŭ ciaplejšy, čym zvyčajna
Siaredniaja tempieratura pavietra ŭ krasaviku skłała plus 8,8 hradusa i była vyšejšaj za klimatyčnuju normu na 1 hradus. Pra heta paviedamlaje BiełTA sa spasyłkaj na pradstaŭnika Hidramieta Natallu Klaviec.
Adchileńni tempieratury byli ŭ miežach ad 0,1 da 2 hradusaŭ. Ciaplej za ŭsio było na ŭschodzie i paŭnočnym uschodzie, u Mahiloŭskaj vobłaści, tam adchileńni skłali 2 hradusy i bolš.
U Bresckaj vobłaści adchileńni byli najmienšymi — plus 0,3 hradusa. Pieršaja i druhaja dekady byli ciopłymi, tempieratura treciaj dekady była blizkaja da normy ź nievialikaj admoŭnaj anamalijaj, raspaviała śpiecyjalist.
Maksimalnaha značeńnia tempieratura pavietra dasiahnuła 26 krasavika na stancyi Mahiloŭ i skłała plus 22,1 hradusa. Minimalnaja tempieratura pavietra adznačana na stancyi Drahičyn 5 krasavika i skłała minus 6,2 hradusa.
«Za miesiac u siarednim pa Biełarusi vypała 39,3 mm apadkaŭ, što skłała 102% klimatyčnaj normy. Pa bolšaj častcy terytoryi krainy, pieravažna pa poŭnačy i ŭ centry, vypała mienš za klimatyčnuju normu apadkaŭ, pa astatniaj terytoryi — norma i bolš. Pry hetym na poŭdni vypała bolš za 150% normy», — padkreśliła śpiecyjalist.
Što da apadkaŭ, to ŭ pačatku miesiaca pieravažna pa paŭnočnaj pałovie krainy adznačaŭsia śnieh vyšynioj da 10 sm (Jeziaryšča), a ŭ pieršaj dekadzie śniežnaje pokryva całkam źnikła. U kancy miesiaca, 26 krasavika, na zachadzie adznačana vypadzieńnie śniehu, ale śniežnaje pokryva nie ŭtvaryłasia praź pieravahu stanoŭčych tempieratur pavietra.
Maksimalnaja chutkaść vietru zarehistravanaja 13 krasavika na stancyi Horki i skłała 17 m/s.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos19
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5050
Kamientary