36 krain buduć kantralavać praces dopusku da spabornictvaŭ spartsmienaŭ ź Biełarusi i Rasii
ZŠA, Vialikabrytanija, Francyja i jašče 33 dziaržavy ŭ čaćvier zajavili ŭ sumiesnym liście, što buduć sačyć za vykanańniem rekamiendacyj Mižnarodnaha alimpijskaha kamiteta adnosna mahčymaha ŭdziełu spartsmienaŭ z Rasii i Biełarusi ŭ Alimpijskich hulniach.
«My budziem uvažliva sačyć za vykanańniem rekamiendacyj MAK i mižnarodnych spartyŭnych fiederacyj u najbližejšyja tydni. Kali hetyja pytańni nie buduć vyrašanyja, my čakajem, što MAK pierahledzić svoj padychod», — havorycca raspaŭsiudžanym Dziaržaŭnym departamientam ZŠA liście.
28 sakavika MAK vystupiŭ z rekamiendacyjaj dapuścić da spabornictvaŭ rasijan i biełarusaŭ, ale tolki ŭ jakaści niejtralnych atletaŭ. Pry hetym jany pavinny adpaviadać peŭnym kryteryjam. Tak, da turniraŭ mohuć dapuścić tolki tych, chto nie padtrymlivaje vajennaje ŭvarvańnie Rasii va Ukrainu. Akramia taho, u spabornictvach zabaroniena vystupać spartsmienam, jakija majuć dačynieńnie da ŭzbrojenych sił.
Mižnarodnaja fiederacyja kanoe dapuściła rasijan i biełarusaŭ da spabornictvaŭ
«My čakali, što pieramoža zdarovy sens, ale pieramahli rasijskija rubli». Ukraina prapuścić čempijanat śvietu pa dziudo z-za ŭdziełu rasijan i biełarusaŭ
Polšča farmuje mižnarodnuju kaalicyju, kab nie dapuścić biełarusaŭ i rasijan na Alimpijadu
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary