Pieravažnaja bolšaść zajavak na polskija vizy pa prahramie dla IT-śpiecyjalistaŭ Poland.Business Harbour była padadziena ad biełarusaŭ. Pra heta piša vydańnie Rzeczpospolita sa spasyłkaj na infarmacyju Polskaha ahienctva pa handli i inviestycyjach.
Jak paviedamlajuć u ahienctvie, z vosieni 2020 hoda da kanca sakavika 2023-ha ŭ Polšču prybyli bolš za 72,2 tysiačy IT-śpiecyjalistaŭ z roznych krain. Bolšaść ź ich pryjechali ź Biełarusi.
Na biełarusaŭ prypadaje bolš za 93% zajavak na vizy pa hetaj prahramie, jakija padavalisia jak praz kampanii, zarehistravanyja ŭ Polščy, tak i praz polskija dypłamatyčnyja pradstaŭnictvy za miažoj.
Častka zajavak na vizy pastupiła praź inviestycyjnyja prahramy kampanij z-za ŭschodniaj miažy Polščy: usiaho takich prahram 122, i bolšaść ź ich taksama źviazanyja z kampanijami ź Biełarusi.
Na druhim miescy pa kolkaści zajavak znachodziacca hramadzianie Rasii (3,8%), dalej idzie Ukraina (mienš za 2% zajavak). Pry hetym paśla pačatku rasijskaj vajennaj ahresii suprać Ukrainy kampanii z Rasii bolš nie mohuć skarystacca prahramaj Poland.Business Harbour. Ukraincy ž, u tym liku IT-śpiecyjalisty, paśla pačatku vajny mohuć znachodzicca i pracavać u Polščy biez usialakich viz i dazvołaŭ.
Prahrama Poland.Business Harbour — heta kompleks pasłuh, jaki dazvalaje fryłansieram, startapam, małym i siarednim, a taksama bujnym pradpryjemstvam apieratyŭna i ŭ sproščanym paradku pierajechać na terytoryju Polščy.
«Kali zusim nie ekanomić, to chopić na 2-3 hady». Ajcišniki raskazali, kolki zmohuć pražyć na svaich zapasach, kali prosta ciapier zastanucca biez pracy
Minskim arandadaŭcam i nie śniłasia. Kolki biełarusy płaciać za zdymnyja kvatery ŭ Polščy i Litvie
«Taki dachod, viadoma, prosta dach znosić». Ajcišnik atrymlivaje ŭ Polščy štomiesiac 18 tysiač dalaraŭ i raskazvaje, jak hetulki zarablać dy kudy tracić
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa bačyli amal paŭmiljarda čałaviek. Što ź im ciapier?
Kamientary