Navukoŭcy vyśvietlili, što za ŭspyšku ŭ niebie nazirali biełarusy i ŭkraincy ŭviečary 19 krasavika
Heta byŭ mieteor. Tak acharaktaryzavali zahadkavuju ŭspyšku ŭ niebie nad Ukrainaj i Biełaruśsiu, jakuju nazirali ŭviečary, 19 krasavika, u Mižnarodnaj mieteornaj arhanizacyi.
U Kijevie navat była abvieščanaja pavietranaja tryvoha. Ale krychu paźniej stała viadoma, što heta nie źviazana z bajavymi dziejańniami.
Krychu paźniej źjaviłasia viersija pra padzieńnie spadarožnika NASA. Ale i heta nie paćvierdziłasia.
Narešcie navukoŭcy vyvučyli ŭsie materyjały: jak fiksacyi z kamier nazirańniaŭ i amatarskich smartfonaŭ, tak i danyja astranamičnych stancyj Słavakii i Vienhryi, jakija taksama zafiksavali padzieńnie balida, piša Blizko.by.
Heta było kaśmičnaje cieła dyjamietram kala paŭmietra i vahoj u 200-300 kiłahram. Padaŭ mietearyt prosta nad Kijevam (tam jon i «zaśviaciŭsia» jarčej za ŭsio). Lacieŭ na vyšyni kala 80 kiłamietraŭ z chutkaściu 29 km/s, a na vyšyni 38 kiłamietraŭ nad Ziamloj uzarvaŭsia. Doŭžyłasia heta kaśmičnaje vidovišča kala 5 siekund.
Na Ziamlu paśla vybuchu amal ničoha nie trapiła. Niabiesnaje cieła raźlaciełasia na drobnyja askiepki i pył — zanadta vysokaja była chutkaść padzieńnia. Na dumku ekśpiertaŭ balid moh padyści blizka da Ziamli jašče paru hadoŭ tamu, zatym zrabić poŭny abarot vakoł našaj płaniety i ŭvajści ŭ jaje atmaśfieru tolki ciapier.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary