Pružanskuju aktyvistku vinavaciać u «złosnym niepadparadkavańni patrabavańniam administracyi kałonii» (art. 411 KK). Sud projdzie ŭ Homielskaj žanočaj kałonii № 4.
Z 2020 hoda Alenu Hnaŭk zatrymlivali i aryštoŭvali pa administracyjnych artykułach 17 razoŭ, aštrafavali ahułam na 173 bazavyja vieličyni, doma pravodzili pieratrusy. Jaje asudzili pa kryminalnych artykułach na 3,5 hoda źniavoleńnia ŭ «spravie karahodaŭ» i za abrazu Łukašenki, nahadvaje Radyjo Svaboda.
15 žniŭnia 2022 hoda palitźniavolenuju aktyvistku pieraviali ŭ papraŭčuju kałoniju № 4 u Homieli. Sioleta jaje źmiaščali ŭ pamiaškańnie kamiernaha typu (PKT). Taksama Alenu pazbavili amal usich pieradač, zvankoŭ, spatkańniaŭ i skaracili «atavarku» z 3 bazavych vieličyniaŭ da 1 (37 rubli).
U źniavoleńni ŭ žančyny pahoršyłasia zdaroŭje.
Adras Aleny Hnaŭk: PK-4, 246035, h. Homiel, vuł. Antoškina, 3, Alenie Piatroŭnie Hnaŭk.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary