KDK uziaŭsia za miedcentr «Novy zrok», abvinavačvajuć u zarobkach «u kanviertach»
Kamitet dziaržaŭnaha kantrolu paviedamiŭ, što Departamient finansavych rasśledavańniaŭ vyjaviŭ fakty vypłaty zarobkaŭ «u kanviertach» kiraŭnictvam miedycynskaha centra «Novy zrok».
DFR śćviardžaje, što za apošnija 5 hadoŭ kiraŭnictvu i śpiecyjalistam miedycynskaha centra było nibyta vypłačana «ŭ kanviertach» zvyš 2,5 młn rubloŭ, i prymianiałasia takaja schiema ŭ dačynieńni bolš čym 50 rabotnikaŭ miedcentra.
«Pa-šeramu» nibyta mahli płacić ad 200 rubloŭ miedpiersanału da 9 tys. rubloŭ lekaram-śpiecyjalistam i kiraŭnictvu miedcentra.
Hałoŭny padazravany — «faktyčny ŭłaśnik miedcentra, jaki pastajanna pražyvaŭ u Litvie», a hrašovyja srodki na takija vypłaty «pieravažna pastupali na terytoryju respubliki z-za miažy ŭ vyhladzie najaŭnych hrašovych srodkaŭ u zamiežnaj valucie (pieradavalisia roznym asobam, jakija pierasiakali dziaržaŭnuju miažu Respubliki Biełaruś)».
U dačynieńni da faktyčnaha ŭładalnika miedcentra i čatyroch jaho rabotnikaŭ zaviali kryminalnuju spravu, na majomaść padazravanych nakładzieny aryšt.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary