Va Ukrainie kiraŭniku biełaruskaj kampanii pahražaje da troch hadoŭ abmiežavańnia voli za niaspłatu padatkaŭ
Padolskaja akruhovaja prakuratura Kijeva vystaviła abvinavačańnie hramadzianinu Biełarusi Siarhieju Kraŭčanku, jaki kiravaŭ kampanijaj «Servis Ojł» — bujnym daččynym pradpryjemstvam «Biełarusnafty», jakoje va Ukrainie akazvała pasłuhi ŭ śfiery zdabyčy nafty i pryrodnaha hazu, paviedamlaje «Radyjo Svaboda».
Śledčyja padazrajuć biełarusa ŭ naŭmysnym paźbiahańni padatkaŭ, u vyniku čaho dziaržaŭny biudžet Ukrainy nibyta niedaatrymaŭ 60 miljonaŭ hryŭniaŭ.
Pavodle śledstva, z 2017 da 2020 hod kampanija «Servis Ojł» nibyta pieraličyła na rachunki «Biełarusnafty» bolš za 400 miljonaŭ hryŭniaŭ (11 młn dalaraŭ pavodle aficyjnaha kursu) za arendu abstalavańnia, dakładna viedajučy, što z hetych srodkaŭ musili spłacić jašče i 15 % padatku na prybytak zamiežnych jurydyčnych asob.
Pa vystaŭlenych abvinavačańniach Kraŭčanku moža pahražać bujny štraf, a taksama abmiežavańnie voli na termin da troch hadoŭ z pazbaŭleńniem prava na try hady zajmać adkaznyja pasady ci zajmacca adpaviednaj dziejnaściu.
Jak paviedamili «Radyjo Svaboda» ŭ prakuratury Kijeva, śledčyja źviarnulisia ŭ sud pa abrańnie dla Siarhieja Kraŭčanki miery papiaredniaha strymańnia ŭ vyhladzie zakładu ŭ pamiery naniesienaj škody, to-bok 60 miljonaŭ hryŭniaŭ (prykładna 1,6 miljona dalaraŭ u ekvivalencie). Adnak sud źmienšyŭ pamier zakładu da 214 720 hryŭniaŭ (5,8 tysiačy dalaraŭ u ekvivalencie). Prakuratura zajaviła, što budzie abskardžvać hetaje rašeńnie.
Letaś Padolskaja akruhovaja prakuratura Kijeva aryštavała karparatyŭnyja pravy kampanii «Servis Ojł» na sumu amal 4 miljardy hryŭniaŭ (110 miljonaŭ dalaraŭ ZŠA). Statutny kapitał pradpryjemstva składaje amal 1 miljard hryŭniaŭ (26 miljonaŭ dalaraŭ).
Tavarystva z abmiežavanaj adkaznaściu «Servis Ojł» zarehistravana va Ukrainie 27 śniežnia 2012 hoda. Jaho ŭłaśnikam była dziaržaŭnaja kampanija «Biełarusnafta», ale paśla ŭviadzieńnia suprać jaje ŭ 2021 hodzie mižnarodnych sankcyj «Servis Ojł» była pierarehistravana na AAT «Puchavičynaftapradukt».
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy13
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary