Kobryniec skraŭ čužy aŭtamabil, źjeździŭ dachaty, a potym viarnuŭ mašynu na miesca
Zabaŭnaja situacyja adbyłasia ŭ Drahičynie. U milicyju źviarnuŭsia 20-hadovy chłopiec, jaki raspavioŭ, što niechta chacieŭ zavałodać jaho aŭtamabilem «Aŭdzi 100», paviedamlaje abłasnaja milicyja.
Małady čałaviek rastłumačyŭ milicyi, što pakinuŭ transpartny srodak na stajancy pablizu čyhunačnaha vakzała, paśla čaho pajechaŭ na ciahniku ŭ Pinsk, a kali viarnuŭsia, aŭtamabila na miescy nie było.
Padčas apieratyŭna-pošukovych mierapryjemstvaŭ pravaachoŭniki vyśvietlili, što da zdareńnia datyčny 23-hadovy raniej nie sudzimy žychar Kobrynskaha rajona.
Jon płanavaŭ viarnucca z Drahičyna dadomu i, ubačyŭšy na stajancy aŭtamabil, vyrašyŭ pajechać na im. Pry dapamozie padručnych srodkaŭ mužčyna adčyniŭ aŭtamabil, a praź niekalki chvilin znajšoŭ u bardačku kluč, dziakujučy čamu ŭdałosia zavieści aŭtamabil. Zatym zajechaŭ na AZS dla zapraŭki transpartnaha srodku, paśla čaho adpraviŭsia dachaty. Na nastupny dzień padarožnik viarnuŭ «Aŭdzi» na miesca ŭ Drahičynie.
Milicyi mužčyna rastłumačyŭ, što chacieŭ pryjechać dadomu na aŭtamabili.
Tym nie mienš zaviedziena kryminalnaja sprava.
U Baranavičach dvoje maładzionaŭ skrali 21 blašanku kansiervaŭ — i atrymali kryminalnuju spravu
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary