Pamierła aktrysa teatra lalek, jakaja była Dziedam Baradziedam u «Kałychancy»
Pajšła z žyćcia aktrysa Biełaruskaha dziaržaŭnaha teatra lalek Valancina Pražejeva. Pra heta paviedamiŭ u sacsietkach sam teatr.
Litaralna tydzień tamu aktrysa adznačyła 80-hodździe.
«Pamiać pra Valancinu Vasiljeŭnu Pražejevu nazaŭsiody zastaniecca ŭ sercach jaje kaleh i lubimych hledačoŭ», — napisaŭ teatr.
Artystka była adnoj ź lalkavodaŭ viadomaha piersanaža «Kałychanki» Dzieda Baradzieda.
Valancina Pražejeva — łaŭreat šmatlikich fiestyvalaŭ. 50 hod jana pryśviaciła teatru lalek.
Siarod jaje vobrazaŭ u dziciačych i darosłych śpiektaklach byli Hałateja («Cudoŭnaja Hałateja» B. Hadar i S. Darvaša), Jeva («Boskaja kamiedyja» I. Štoka), dačka Baby-Jahi («Da trecich pieŭniaŭ» V. Šukšyna), dziaŭčyna Maška («Laŭša» U. Kanstancinava i B. Racera pavodle M. Laskova), Elvira Reniesans («Kłop» U. Majakoŭskaha), frau Bosienhiejm («Pryhody bravaha sałdata Šviejka» pavodle Ja. Hašaka), Šarłota («Z Paryžam skončana!..» pavodle pjesy A. Čechava «Višniovy sad»), Mačacha («Papiałuška» T. Habe), tyhrania Pietryk («Tyhrania Pietryk» Ch. Janušeŭskaj), Kibalčyš («Vajennaja tajna» pavodle A. Hajdara), ščania Miki («Błakitnaje ščania» D. Urbana), Baba-Jaha («Vasilisa Pryhožaja» K. Čarniak), Fimuška («Zvany-lebiedzi» Ł. Braŭsieviča, pryncesa Dyśpieranda («Čortaŭ młyn» I. Štoka) i inšyja.
Naradziłasia artystka ŭ rasijskim Jekaciarynburhu. Była zasłužanaj artystkaj Kryma (2001).
Raźvitańnie z Valancinaj Pražejevaj adbudziecca ŭ paniadziełak u 11:00 pa adrasie Daŭhinaŭski trakt, 160a, k. 1.
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary