Adbyłosia heta paśla pryznańnia ŭsich tekstaŭ vydańnia ekstremisckimi materyjałami.
«Redakcyja bolš nie zmoža, na vialiki žal, paradavać vas cikavymi i karysnymi materyjałami, paradavacca vašym pośpiecham, pasprabavać razam znajści rašeńni tych prablem, ź jakimi vy sutykajeciesia. My vymušanyja spynić vypusk drukavanaj haziety, a taksama nie možam praciahvać pracu na elektronnych placoŭkach», — havorycca ŭ zvarocie redakcyi.
«Pra heta baluča kazać. Pra heta možna kazać tolki sa ślaźmi na vačach, suciašajučy adzin adnaho tym, što my staralisia pracavać, jak kazali i sami čynoŭniki (asabliva paśla sychodu sa svaich pastoŭ), prafiesijna. My nie zajmalisia prapahandaj i ŭschvaleńniem kaho b tam ni było, nie padładžvalisia pad upłyvy roznaj palityčnaj traskatni. My, viadoma ž, dzieści pamylalisia, ale zaŭsiody vučylisia i staralisia być niepraduziatymi», — reziumuje redakcyja.
Prablemy ŭ vydańnia pačalisia 15 sakavika, kali ŭ redakcyi haziety prajšoŭ pieratrus. Hałoŭny redaktar vydańnia Siarhiej Stankievič i jaho namieśnik Aleh Rubčenia byli zatrymanyja. Im prysudzili pa 15 sutak administracyjnaha aryštu.
Paśla ich vychadu na volu «Infa-Kurjer» spačatku paviedamiŭ pra zakryćcio svajho telehram-kanała.
A ŭčora stała viadoma, što ŭsie publikacyi haziety, a taksama jaje staronki ŭ sacsietkach pryznali «ekstremisckimi materyjałami». Takoje rašeńnie pryniaŭ sud Partyzanskaha rajona Minska 5 krasavika.
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary
- Prabačcie, ja nie padładžvajusia pad upłyvy roznaj palityčnaj traskatni...