U Viciebskaj vobłaści ŭ krasaviku pradajecca šeść abjektaŭ historyka-kulturnaj spadčyny
U Viciebskaj vobłaści šeść abjektaŭ historyka-kulturnaj spadčyny vystaŭlena kamitetam «Viciebskabłmajomaść» na tarhi ŭ krasaviku. Niekatoryja abjekty buduć pradavacca z ustanaŭleńniem pačatkovaj cany, roŭnaj adnoj bazavaj vieličyni, to-bok 37 rubloŭ, piša «Viciebskaja viasna».
Pradać źbirajucca kolišni klaštar karmielitaŭ u Hłybokim, stancyjny dom u vioscy Pahrabienka Sieńnienskaha rajona i śpirtzavod u ahraharadku Połymia ŭ tym samym rajonie.
Taksama prapanujucca da prodažu były vinarobny zavod pa vulicy Pakroŭskaj i administracyjny budynak pa vuł. 1-ja Čyrvonabryhadnaja ŭ Viciebsku, hrafskaja siadziba ŭ vioscy Vidzy Łaŭčynskija Brasłaŭskaha rajona.
Za try miesiacy hetaha hoda, pa źviestkach «Viciebskabłmajomaści», na aŭkcyjonach udałosia pradać 37 abjektaŭ, što dazvoliła nie tolki papoŭnić dziaržaŭny biudžet na 262 tysiačy rubloŭ, ale i ŭciahnuć abjekty, jakija nie vykarystoŭvajucca, u haspadarčaje abaračeńnie.
U Sieńnienskim rajonie vystavili na prodaž reštki majontka, u jakim niekali pracavaŭ Janka Kupała
Homielskaja jeparchija vykupiła na aŭkcyjonie dakumient pa historyi Homiela XVII stahodździa
«Navat kali vydatki nie viernucca, ja ŭsio adno budu ščaślivy». Fiermier z Drahičynskaha rajona adnaŭlaje budynak, jaki pamiataje Ažešku
Kiraŭnik Lidy zaklikaŭ siłavikoŭ nie spyniać palityčnych represij28
Kamientary