Ukraina na miažy ź Biełaruśsiu raźmiaściła zienitna-rakietnyja kompleksy Avenger. Što za jany?
Kamandujučy Abjadnanymi siłami Uzbrojenych sił Ukrainy Siarhiej Najeŭ, jaki ažyćciaŭlaje kiraŭnictva apieracyjnaj zonaj na paŭnočnaj miažy Ukrainy ź Biełaruśsiu i Rasijaj, zajaviŭ pra ŭzmacnieńnie pavietranaj abarony na hetym kirunku zienitna-rakietnymi kompleksami Avenger.
«Sistema pryznačana dla źbićcia kryłatych rakiet i bieśpiłotnikaŭ udarnaha typu. Sistema dobraja i efiektyŭnaja», — zajaviŭ Siarhiej Najeŭ.
Pavodle jaho, hetyja rakietnyja kompleksy Ukrainie pieradali ZŠA, a ekipažy prachodzili navučańnie ŭ Niamieččynie.
Jak pracujuć ZRK Avenger
Nazva zienitna-rakietnaha kompleksu (ZRK) pierakładajecca z anhlijskaj jak «mściviec». Jaho raspracavała amierykanskaja kampanija Boeing Aerospace Company supolna z General Electric. Hety samachodny kompleks moža źniščać pavietranyja celi na sustrečnych kursach i ŭzdahon na vyšyni 0,5—3,8 kiłamietra i adlehłaści 0,5—5,5 kiłamietra, piša «Svaboda».
Na im znachodzicca dva kantejniery, u jakija źmiaščajecca pa čatyry rakiety Stinger, a taksama kulamiot i radyjołakacyjnaja stancyja. Avenger zdolny vyjaŭlać celi ŭ lubych umovach nadvorja i bačnaści za košt ubudavanaha ciepłavizara.
Dla kiravańnia ZRK dastatkova dvuch vajskoŭcaŭ. Bajavaja mašyna moža raźvivać chutkaść da bolš za 100 kiłamietraŭ na hadzinu i maje zapas chodu bolš za 500 kiłamietraŭ na adnoj zapraŭcy.
Zienitny kompleks Avenger vypuskajecca z 1984 hoda, jaho majuć na ŭzbrajeńni armii ZŠA, Kitaja, Čyli, Saudaŭskaj Aravii i Litvy.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž40
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary