Sudzić byłoha žurnalista, historyka i krajaznaŭca budzie Homielski abłasny sud — mienavita tudy prakuratura pieradała materyjały spravy, paviedamlaje Biełaruskaja asacyjacyja žurnalistaŭ. Data pačatku suda pakul nieviadomaja.
Jaŭhiena Mierkisa zatrymali 13 vieraśnia 2022 hoda, abvinavaciŭšy pavodle art. 361-4 KK Biełarusi — «Sadziejničańnie ekstremisckaj dziejnaści». U čym kankretna vyjaviłasia «sadziejničańnie», nie paviedamlajuć dahetul. Paśla zatrymańnia pa miescy žycharstva žurnalista adbyŭsia pieratrus z vyniaćciem nośbitaŭ infarmacyi. Pieratrusy praviedzienyja byli taksama pa miescy žycharstva baćki Jaŭhiena, a taksama ŭ jahonych siabroŭ.
Ad vieraśnia 2022 hoda Jaŭhien utrymlivajecca ŭ homielskim SIZA № 3. Sioleta ŭ sakaviku paśla zakančeńnia śledstva jon mieŭ karotkaterminovuju sustreču z rodnymi. Na zdaroŭje nie skardziŭsia, choć prastudnych zachvorvańniaŭ nie abminuŭ. U śniežni pabyvaŭ u karcary nibyta za toje, što nie pahaliŭsia.
Da zatrymańnia Mierkis užo šmat miesiacaŭ nie pracavaŭ žurnalistam. Žurnalisckuju dziejnaść jamu daviałosia pakinuć z pryčyny taho, što šerah niezaležnych ŚMI, u tym liku i tyja, ź jakimi jon supracoŭničaŭ, ułady adnieśli da «ekstremisckich farmavańniaŭ».
Jak historyk pavodle adukacyi, Jaŭhien zasiarodziŭsia na krajaznaŭstvie. Atrymaŭ siertyfikat ekskursavoda, u tym liku i dla pracy z zamiežnikami na niamieckaj movie. Taksama jon vałodaje i anhlijskaj movaj, u SIZA sprabavaŭ vyvučyć jašče i francuzskuju, ale, nakolki viadoma, mieŭ ciažkaści z atrymańniem padručnikaŭ.
Jaŭhienu Mierkisu pahražaje ad dvuch da šaści hadoŭ źniavoleńnia.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary