Palitźniavolenaha Mikitu Jemialjanava pieraviali ŭ hrodzienskuju turmu
Sud Vaŭkavyskaha rajona 22 sakavika razhledzieŭ pytańnie ab pieravodzie palitviaźnia Mikity Jemialjanava ŭ papraŭčuju ŭstanovu inšaha vidu i źmienie ŭmoŭ režymu. Jak paviedamlaje kanał «AČK-Biełaruś», Mikitu ŭžo pieraviali ŭ hrodzienskuju turmu.
Mikita Jemialjanaŭ — aktyvist anarchisckaha ruchu, asudžany jašče na pačatku 2020 hoda da 7 hadoŭ pazbaŭleńnia voli ŭ kałonii ŭzmocnienaha režymu. Paźniej Minharsud pa apielacyjnaj skarzie źmienšyŭ termin Mikitu da 4 hadoŭ kałonii ŭzmocnienaha režymu.
U 2022 hodzie chłopca asudzili na dva hady kałonii za «złosnaje niepadparadkavańnie patrabavańniam administracyi papraŭčaj ustanovy» i kančatkova pryznačyli pa sukupnaści prysudaŭ z ulikam raniej nieadbytaha pakarańnia — try z pałovaj hady kałonii ŭzmocnienaha režymu.
Sa žniŭnia 2021 hoda Mikitu źmiaščali ŭ karcar abo ŠIZA ahułam bolš, čym na siem miesiacaŭ. Taksama paviedamlajecca, što jamu błakujuć listavańnie i bolš za 8 miesiacaŭ nie pieradajuć sa składa knihi.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary