Łukašenka zapužvaje deputataŭ: Nie budzie mianie, buduć ckavać vašych dziaciej
Łukašenka padčas pasłańnia 31 sakavika znoŭ pačaŭ zapeŭnivać, što nibyta nie trymajecca za ŭładu. A paśla patłumačyŭ, čamu nie sydzie.
«Nie dumajcie, što ja, učapiŭšysia ŭ hetaje kresła, trymajusia za hetuju ŭładu. Absalutna ščyra pra heta kažu. Vy bačycie, jakija abstaviny. Mnohija chacieli b, kab Łukašenki nie było. A kali jany chočuć, kab mianie nie było tam, značyć, treba rabić naadvarot. Heta moj pryncyp.
Tamu ja nie budu za hetuju pasadu trymacca. Nie. Nie. I jašče raz nie. Ja dumaju pra budučyniu. Tamu što, jak va ŭsich vas, u mianie jość dzieci, unuki, jakija pavinny žyć u mirnaj i niezaležnaj krainie.
Ja bolš za inšych razumieju, što kali nie budzie Łukašenki, to na jaho dziaciej buduć cisnuć z usich bakoŭ. A heta dla mianie nieprymalna. Buduć cisnuć i ckavać vašych dziaciej, asabliva tych, chto staŭ u 2020 hodzie pobač i vystajaŭ. Buduć ździekavacca ź ludziej u pahonach. Ja dumaju pra heta», — zapałochvaŭ Łukašenka.
Taksama jon zajaviŭ, što jahony «viek zakančvajecca» i što pierapisvać pad siabie Kanstytucyju jon nie budzie, ale i pamirać nie źbirajecca.
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary