Paśla śmierci ministra zamiežnych spraŭ Uładzimira Makieja jaho ŭdava, akciorka Viera Palakova, padobna, trapiła ŭ apału. Jana prapała z teleekranaŭ. Krynicy «Našaj Nivy» kažuć, što takoje nie mahło adbycca bieź viedama Alaksandra Łukašenki.
Viera Palakova źnikła z telebačańnia. Jašče niezadoŭha da 26 listapada 2022 hoda, dzień śmierci Makieja, jana časta viała prahramu ANT «Naša ranica».
Ciapier Palakova ŭ efiry bolš nie źjaŭlajecca. U Alaksandra Siarebrańnikava inšaja kaleha — Luboŭ Čarkašyna, člen vykankama biełaruskaha Nacyjanalnaha alimpijskaha kamiteta (NAK), jakaja — cikavaje supadzieńnie — prasunułasia ŭ karjery ŭ časy kiravańnia ŭ NAK Maksima Ryžankova, jaki paźniej staŭ antahanistam Makieja ŭ dziaržaparacie.
Taksama, jak nam stała viadoma, zasłužanaja artystka Biełarusi i łaŭreatka miedala Francyska Skaryny Viera Palakova bolš nie viadzie mierapryjemstvaŭ dla režymnaha isteblišmientu.
«A blizkija da režymu biznesmieny, jakija raniej padtrymlivali Teatr junaha hledača, jakim kiruje Palakova, stali admaŭlać u prośbach padtrymki tych ci inšych prajektaŭ. Cikavaje supadzieńnie», — skazaŭ «Našaj Nivie» čałaviek z teatralnaj śfiery.
Aktrysa praciahvaje vystupać razam z teatralnym prajektam «TryTfarmaT», dniami trupa jeździła ŭ Biarozu pakazvać śpiektakl «Karenina».
«Bieź viedama Łukašenki, a chutčej za ŭsio — i pa pramym rasparadžeńni, Palakova nie mahła być adpraŭlenaja ŭ apału adrazu paśla śmierci Makieja», — skazaŭ nam adzin z abaznanych surazmoŭcaŭ.
Viera Palakova — druhaja žonka Uładzimira Makieja.
U pary ŭ 2009 hodzie naradziŭsia syn Arciom.
Vital Makiej, starejšy syn Makieja ad pieršaha šlubu, nie siadzieŭ pobač z Palakovaj la truny, a raźvitaŭsia z baćkam užo na mohiłkach.
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ4
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary
u hetaj krainie ni žyć, ni pamierci narmalna nielha