Biełstat: Nasielnictva za minuły hod skaraciłasia amal na 55 tysiač čałaviek
Nasielnictva Biełarusi na 1 studzienia 2023 hoda skłała 9 200 617 čałaviek. Takija źviestki padaŭ Biełstat. Kali paraŭnoŭvać z 1 studzienia 2022 hoda, to aficyjnaje nasielnictva krainy źmienšyłasia na 54 907 čałaviek, piša Reform.by.
U 2021-m kolkaść žycharoŭ krainy źmienšyłasia na 94,1 tys. čałaviek, a ŭ 2020-m — na 60,6 tys. Takim čynam, za try hady Biełaruś straciła bolš za 200 tysiač žycharoŭ.
Haradskoje nasielnictva pa stanie na 1 studzienia 2023 hoda skłała 7,212 młn čałaviek. Jano źmienšyłasia na 19,69 tys. Sielskaje nasielnictva skaraciłasia na 35,2 tys. čałaviek i skłała mienš za 2 młn — 1 988 212 čałaviek.
Nasielnictva Minska na 1 studzienia skłała 1 995 471 čałaviek. Za hod jano źmienšyłasia na 1082 čałavieki.
U abłaściach nasielnictva składała na 1 studzienia:
- u Bresckaj — 1 315 405 čałaviek,
- u Viciebskaj — 1 091 948 čałaviek,
- u Homielskaj — 1 347 469 čałaviek,
- u Hrodzienskaj — 998 600 čałaviek,
- u Mahiloŭskaj — 989 702 čałavieki,
- u Minskaj — 1 462 021 čałaviek.
Upieršyniu za časy niezaležnaści nasielnictva Hrodzienskaj i Mahiloŭskaj abłaściej upała nižej za płanku miljona čałaviek.
Ciažka skazać, ci možna daviarać hetaj statystycy, z ulikam taho što raniej ułady Biełarusi sistematyčna falsifikavali vybarčuju i miedycynskuju statystyku. Mahčyma, realnaje skaračeńnie nasielnictva za 2020—2022 hady navat bolšaje za abvieščanyja 210 tysiač.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary