U biełaruskich bankach pačnuć patrabavać pašpart u klijentaŭ, jakija papaŭniajuć rachunki fizičnych asob na bujnyja sumy
Z 1 krasavika, prynamsi, u dvuch biełaruskich bankach pry papaŭnieńni rachunkaŭ fizičnych asob najaŭnymi srodkami ŭ kasach u klijentaŭ buduć patrabavać pašpart. Havorka idzie ab papaŭnieńni rachunku na 50 bazavych vieličyń (ciapier heta 1850 rubloŭ) i bolš.
Jašče ŭ pačatku sakavika pra heta novaŭviadzieńnie paviedamiŭ Pryjorbank:
«Dla apieracyi pa papaŭnieńni biahučaha rachunku ŭ biełaruskich rublach na sumu 50 i bolš bazavych vieličyń nieabchodna pakazać dakumient, jaki śviedčyć asobu. Pry papaŭnieńni praz kasu biahučaha bankaŭskaha rachunku ŭ zamiežnaj valucie pakazać dakumient, jaki śviedčyć asobu, nieabchodna niezaležna ad sumy».
Siońnia padobnaje paviedamleńnie raźmiaściŭ i Biełarusbank:
«Z 1 krasavika 2023 hoda ŭniasieńnie fizičnaj asobaj u kasu banka najaŭnych hrašovych srodkaŭ na sumu, roŭnuju abo jakaja pieravyšaje 50 bazavych vieličyń, dla ich nastupnaha zaličeńnia na biahučy (raźlikovy) bankaŭski rachunak fizičnaj asoby, jakaja nie źjaŭlajecca indyvidualnym pradprymalnikam, budzie rabicca pry pradjaŭleńni dakumienta, jaki śviedčyć asobu».
Kamientary