Piaskoŭ zajaviŭ, što sankcyi nie źmieniać płanaŭ RF raźmiaścić jadziernuju zbroju ŭ Biełarusi
Reakcyja Zachadu, u tym liku mahčymyja sankcyi suprać RF, nie paŭpłyvajuć na płany Maskvy raźmiaścić u Biełarusi taktyčnuju jadziernuju zbroju, zajaviŭ pres-sakratar prezidenta RF Dźmitryj Piaskoŭ, piša «Interfaks».
«Na płany Rasii takaja reakcyja, biezumoŭna, paŭpłyvać nie moža. Prezident [Pucin] usio patłumačyŭ u svajoj zajavie, jakuju jon zrabiŭ u subotu. Da hetaha dadać niama čaho», — skazaŭ Piaskoŭ, adkazvajučy na pytańnie, ci moža paŭpłyvać na pazicyju Maskvy pa raźmiaščeńni taktyčnaj jadziernaj zbroi ŭ Biełarusi reakcyja Zachadu, u tym liku pahrozy ŭvieści sankcyi suprać RF.
Uładzimir Pucin zajaviŭ u subotu, što Alaksandr Łukašenka daŭno stavić pytańnie ab mahčymaści raźmiaščeńnia na terytoryi svajoj krainy rasijskaj taktyčnaj jadziernaj zbroi.
«Alaksandr Ryhoravič maje racyju, jon kaža: «Nu słuchajcie, my ž vašy najbližejšyja sajuźniki. Čamu amierykancy svaim sajuźnikam robiać heta, na ich terytoryi raźmiaščajuć, vučać, darečy kažučy, ich ekipažy, ich lotčykaŭ vykarystoŭvać pry nieabchodnaści hety vid uzbrajeńniaŭ», — skazaŭ prezident Rasii.
«My damovilisia, što my zrobim toje ž samaje, nie parušajučy svaich abaviazacielstvaŭ, padkreślu, nie parušajučy svaich mižnarodnych abaviazacielstvaŭ pa nieraspaŭsiudžvańni jadziernaj zbroi. My ŭžo dapamahli našym biełaruskim kaleham abstalavać ich samaloty, samaloty biełaruskich VPS. 10 samalotaŭ hatovyja dla prymianieńnia takoha typu zbroi», — zajaviŭ Pucin.
U ES zajavili pra hatoŭnaść adkazać novymi sankcyjami, kali Biełaruś nie pieradumaje raźmiaščać na svajoj terytoryi taktyčnuju jadziernuju zbroju Rasii. «Raźmiaščeńnie Biełaruśsiu rasijskaj jadziernaj zbroi aznačała b biezadkaznuju eskałacyju i pahrozu jeŭrapiejskaj biaśpiecy. Biełaruś moža spynić heta, heta jaje vybar. ES hatovy adkazać dalejšymi sankcyjami», — napisaŭ kiraŭnik dypłamatyi Jeŭraźviaza Žazep Barel u tvitary.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary