Usiaho patrochu55

Siem ašałamlalnych faktaŭ pra niemaŭlat

Niekatoryja ličać, što niemaŭlaty źjaŭlajucca pamienšanaj kopijaj darosłych ludziej. Ale na samoj spravie heta daloka ad praŭdy. Prapanujem vašaj uvazie małaviadomyja fakty pra našych maleńkich spadkajemcaŭ. Upeŭnienyja, što mnohija ź ich vam nie viadomyja.

Dzieci naradžajucca z 300 kostkami i biez kalennych čašačak.

U adroźnieńnie ad darosłych, u jakich 206 kostak, u niemaŭlaci ich amal na pałovu bolej — 300. A voś zamiest kalennaj čašački ŭ ich chrastok. Pryroda tak praduhledzieła dla taho, kab škilet byŭ bolš padatlivy pry rodach. Na praciahu niekalkich nastupnych hadoŭ žyćcia niekatoryja kostki, złučanyja pieršapačatkova miembranaj, zrastajucca pamiž saboj. A chrastok u kalenie pieratvarajecca ŭ kalennuju čašačku.

Niemaŭla čałavieka samaje tłustaje ŭ žyviolnym śviecie, chacia jaho straŭnik — pamieram ź višniu.

U novanarodžanaha niemaŭlaci čałavieka tłušč składaje 15%. Taki pakazčyk značna pieraŭzychodzić pakazčyki ŭsich inšych žyvioł. Druhoje miesca zajmajuć marskija śvinki (11%), a treciaje — marskija ciuleni (10%).

Praz sutki paśla naradžeńnia pamier straŭnika dziciaci blizka da pamieru višni. Ale na praciahu nastupnych siami dzion jon chutka pavialičvajecca i dasiahaje pamieru jajka. U šeść miesiacaŭ niemaŭlaty spažyvajuć adnu tracinu kałoryj ad normy dla darosłaha čałavieka.

Mozh niemaŭlaci pry naradžeńni składaje prykładna dziasiatuju dolu jaho vahi. Sama ž vaha na praciahu pieršaha hoda pavialičvajecca ŭ try razy.

Siaredniaja vaha danošanaha dziciaci znachodzicca ŭ miežach ad 2,6 da 3,8 kh. Pry hetym vaha mozhu składaje 400 hramaŭ. U darosłaha mozh važyć 1,5 kh i składaje kala 2% vahi.

Paśla naradžeńnia ahulnaja vaha niemaŭlaci troški źnižajecca i adnaŭlajecca va ŭzroście dvuch-troch tydniaŭ. Va ŭzroście čatyroch-piaci miesiacaŭ naš naščadak važyć udvaja bolej, čym pry naradžeńni, a ŭ 12 miesiacaŭ — utraja.

Niemaŭla maje bolš smakavych receptaraŭ, čym darosły i moža źjavicca na śviet z zubam.

Niemaŭla dobra adčuvaje smak. U adroźnieńnie ad darosłych, u jaho receptary raźmieščanyja navat u horle. A niekatoryja ŭžo ŭ pieršy dzień mohuć pakaštavać ježu nie tolki na smak, ale i na zub. Pryčyna naradžeńnia z zubam zastajecca niavyśvietlenaj. Niekatoryja vučonyja ličać, što tak prajaŭlajecca ŭździejańnie taksičnych rečyvaŭ padčas ciažarnaści.

Novanarodžanyja drenna bačać, a ich vočy mohuć mianiać koler i praciahvajuć raści.

Dzieci zvyčajna naradžajucca z błakitna-šerymi vačyma, nie bačać dalej, čym na 20 sm i mohuć raspaznać tolki niekatoryja kolery. Adnak zrok raźvivajecca vielmi chutka i da hoda stanovicca padobnym da zroku darosłaha čałavieka. A koler vačej źmianiajecca ŭ zaležnaści ad hienietyki i stanovicca pastajannym da vaśmi miesiacaŭ. Pry hetym vočy praciahvajuć raści (pry naradžeńni ich pamier składaje 75% ad darosłaha).

Novanarodžanyja nie płačuć ślaźmi i paznajuć hołas maci.

U novanarodžanych nie da kanca sfarmavanyja śloznyja kanały. Tamu pieršyja ślozy my možam zaŭvažyć u našaha dziciaci tolki paśla dvuch-trochmiesiačnaha ŭzrostu. Pry hetym jany dobra reahujuć na hołas maci i macniej płačuć, kali čujuć hołas inšaha čałavieka.

Ich žesty nahadvajuć žesty šympanze i jany mohuć vyvučyć movu žestaŭ.

Zhodna z daśledavańniem, niemaŭlaty ludziej i šympanze majuć 89% ahulnych žestaŭ. Pry rehularnych praktykavańniach niemaŭlaty mohuć vyvučyć niekalki znakaŭ, naprykład, «małako», «jašče», «jeści» i h. d. Śpiecyjalisty rekamiendujuć pačać vučyć movie žestaŭ prykładna ŭ 6-7 miesiacaŭ, kali dzieci pačynajuć razumieć słovy.

Čytajcie jašče:

Jak zrazumieć niemaŭla? 

Kamientary5

  • a
    02.04.2023
    "Mozh niemaŭlaci pry naradžeńni składaje prykładna dziasiatuju dolu jaho vahi"
    voś. heta važna
    .
    ja ŭžo raskazvała...
    akušerka, jakaja spuskała mianie i "kanviercik" (to bok majho syna) u lifcie da prymajučaj starany, skazała, hledziačy ŭ vočy majho syna: "tak hladzić, byccam usio razumieje"
    .
    ja ŭsłych ničoha nie skazała, ale pra siabie padumała - 
    tietia, ty dura?
    jon razumieje moža bolš za nas

    • I tak, i nie :)
      02.04.2023
      a, u niemaŭlat (i, kali nie pamylajusia, da dvuchhadovaha ŭzrostu) ahromnaja kolkaść nejronaŭ i suviaziej, navat bolš za darosłaha čałavieka, ale hetyja suviazi pracujuć chaatyčna, tamu praktyčnaj karyści ad hetkaj kolkaści niama. Kali dzicia padrastaje i nabyvaje dośvied, to adni suviazi ŭzmacniajucca, a inšyja, naadvarot, źnikajuć. Tak, zamiest "čystaha" mozhu, dzicia nabyvaje ŭnikalny rozum. 
      • a
        02.04.2023
        I tak, i nie :) , kožny čałaviek (jak i ŭsiakaja žyvaja istota) unikalny
        ja kažu pra naš dośvied. heta nie značyć, što jon adzina pravilny
        ale jość ahulnaja zakanamiernaść, naziranaja prodkami, potym padćvierdžanaja navukaj
        mozh niemaŭlaci, jak i sam jon, najbolš raście ŭ pieršy miesiac paśla źjaŭleńnia na śviet

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

«Uratavali zatory». Studentka spaźniłasia na fatalny rejs Air India usiaho na 10 chvilin, i jaje nie puścili na bort3

Ajatała Chamieniei: Izrail adkaža za hetyja ataki3

Vyrašyŭ praskočyć pierakryžavańnie na vialikaj chutkaści i ledź nie źbiŭ dzicia2

«Da hetaha času nie vieru, što vyžyŭ». Raspovied adzinaha vyžyłaha ŭ katastrofie samalota Air India, jaki raźbiŭsia ŭ Achmiedabadzie

Chłopca, jaki ŭ Lebiedzievaj beściŭ Jeŭropu, asudzili za ŭdzieł u pratestach i ŭchileńnie ad vojska6

Łukašenka zapatrabavaŭ ad vajskoŭcaŭ vynajści cud-mašynu dla baraćby z dronami9

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić