U hrodzienskaha «terarysta» jość jašče adzin pašpart prykryćcia na inšaje proźvišča — «Kibierpartyzany»
Vydańnie «Miedyjazona» sumiesna z «Kibierpartyzanami» praviali dadatkovaje rasśledavańnie adnosna asoby čałavieka, jakoha łukašenkaŭskija siłaviki pradstaŭlajuć u jakaści «terarysta», zabitaha ŭ Hrodnie. Padčas jaho vyśvietlilisia cikavyja fakty.
«Kibierpartyzany» paćvierdzili «Miedyjazonie», što fota z padroblenaha rasijskaha pašparta «Łamakina» na 99,96% supadaje z fatahrafijaj kadebešnika Alaksieja Zacharava. Pra heta raniej havaryli byłyja siłaviki, abjadnanyja ŭ «Bajpole».
Taksama «Kibierpartyzany» zaśviedčyli, što ŭ hetaha samaha supracoŭnika KDB jość jašče adzin pašpart na imia Alaksieja Siamionava. Heta, imavierna, pašpart prykryćcia, bo zapis pra jaho zakryty ŭ bazie «AIS». Aktyvisty havorać, što takija pašparty zvyčajna robiać dla supracoŭnikaŭ milicyi i ahientaŭ.
Akramia taho, u «Siamionava» ŭ bazie niama historyi źmieny pašpartoŭ i adsutničaje paśviedčańnie ab naradžeńni. Identyfikacyjnyja numary «Siamionava» i Zacharava adroźnivajucca dźviuma ličbami, supadajuć daty naradžeńnia, a taksama imia i imia pa baćku.
Što viadoma pra kadebešnika Alaksieja Zacharava, jakoha «Bajpoł» ličyć «likvidavanym zamiežnikam» u Hrodnie
Pa TB raskazali padrabiaznaści taho, jak «Łamakin» kursiravaŭ pa Biełarusi i jak jaho nibyta brali kadebisty
«Bajpoł» ličyć padziei ŭ Hrodnie insceniroŭkaj. I nazyvaje imia mierkavanaha «terarysta»
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary