Supercell zakryvaje dostup da ŭsich svaich hulniaŭ u Biełarusi i Rasii
Kampanija viadoma takimi papularnymi hulniami, jak Clash of Clans i Brawl Stars.
Kampanija Supercell zabłakuje ŭsie svaje hulni i dadatki na terytoryi Biełarusi i Rasii da kanca viasny 2023 hoda. Pra heta kampanija paviedamiła 22 sakavika na svaim aficyjnym sajcie.
Pryčyna padobnaha kroku — vajna va Ukrainie.
«U adkaz na vajnu va Ukrainie, jakaja praciahvajecca, kampanija Supercell vydaliła svaje hulni ź internet-kram dadatkaŭ u Rasii i Biełarusi. Dostup da ŭsich hulniaŭ Supercell dla ŭsich karystalnikaŭ z Rasii i Biełarusi budzie spynieny na praciahu viasny 2023 hoda zhodna z pryniatym raniej rašeńniem», — zajavili ŭ kampanii.
Paviedamlajecca, što toj, chto budzie karystacca VPN dla abychodu zabarony, budzie taksama zabłakavany.
Supercell — stvaralnik takich papularnych hulniaŭ, jak Brawl Stars i Clash of Clans (na hety momant užo niedastupnyja dla zapampoŭki ź internet-kram u Biełarusi i Rasii).
Nahadajem, što heta daloka nie adzinaja situacyja z padobnymi błakiroŭkami ci sychodami ź biełaruskaha rynku. Naprykład, jašče ŭ śniežni 2022 raspracoŭščyk dadatkaŭ Jira i Trello adklučyŭ usich karystalnikaŭ ź Biełarusi. A takija kampanii, jak Flo, Ciklum, TeamViewer, Playgendary i inšyja, uvohule likvidavali albo znachodziacca ŭ pracesie likvidacyi svajho biznesu ŭ Biełarusi.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary
Etim i pomohajut)