Hramadstva11

Raspracoŭščyk Jira i Trello adklučaje ŭsich karystalnikaŭ ź Biełarusi

Atlassian całkam zhortvaje pracu z klijentami ź Biełarusi i Rasii z 31 kastryčnika. Viadoma pra pieršaje błakavańnie: nievialiki minski startap z 1 śniežnia nie zmoh zajści ŭ svoj akaŭnt u Jira, piša Devby.

U sakaviku 2022 hoda Atlassian abviaściła, što maje namier praciahnuć pracu ź nievialikimi biznesami ź Biełarusi i Rasii (sumy, ekvivalentnyja dachodu ŭ hetych krainach, płanavałasia achviaravać Ukrainie). Adnak u vieraśni hetaje rašeńnie źmianiłasia «z-za praciahu dziejańniaŭ rasijskaha ŭrada suprać ukrainskaha naroda i prymusu biznesu padtrymlivać heta niezakonnaje ŭvarvańnie».

— My nievialikaja kampanija ŭ składzie PVT. Zrabili akaŭnt kampanii ŭ Jira jašče ŭ 2019—2020 hadach. Paśla pačatku vajny mnohija z supracoŭnikaŭ pierajechali, ale ŭ niekatorych profilach zastałasia łakacyja «Minsk». U tym liku i ŭ profili čałavieka, jaki adkazvaje za płaciažy. 1 śniežnia naš Jira-prajekt pierastaŭ pracavać, — kaža dyrektar kampanii, jaki pažadaŭ zachavać ananimnaść.

Pa jaho słovach, apaviaščeńniaŭ ad Atlassian kampanija nie atrymała i da błakavańnia nie rychtavałasia. Spačatku kamanda padumała, što servis «upaŭ».

— Napisali ŭ padtrymku. Nam adkazali, što nie praciahnuli padpiski i zabłakavali dostup da servisu, bo my ź Biełarusi, a Jira pačała błakavać padpiski na ŭsie servisy z Rasii i Biełarusi. Ź ich lista zrazumieła, što kali padpiska była na miesiac (listapad), to servis budzie zabłakavany. Dla astatnich — da kanca apłačanaha pieryjadu.

Na dadzieny momant kamandzie niedastupnaja techničnaja dakumientacyja, bekłoh i zadačy pa prajektach. Kiraŭnictva sprabuje adnavić dostup da servisu abo damovicca ab abnaŭleńni danych.

Ciapier kampanija vykarystoŭvaje Google Docs.

— Spadziajomsia, što adnovim Jira, kab zrabić bekap. Kali adnovim, budziem razhladać padobnyja servisy. Paśla takoha dośviedu karystacca hetym praduktam nie chočacca.

Aŭstralijskaja Atlassian z 2002 hoda stvaraje soft dla kiravańnia raspracoŭkaj. Najbolš viadomyja pradukty — Jira, Confluence. U 2017 hodzie kampanija nabyła raspracoŭščyka servisu kiravańnia prajektami Trello.

Kamientary1

  • Maksim Dizajnier
    08.12.2022
    Nakoniec-to. Sił niet užie polzovaťsia etim h(Jira).

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać13

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku9

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu5

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić