Navukoŭcy rasšyfravali DNK Bietchoviena, ale nie zmahli dakładna vyznačyć pryčynu jaho śmierci
Hrupie navukoŭcaŭ z Kiembrydžskaha ŭniviersiteta ŭdałosia rasšyfravać DNK niamieckaha kampazitara Ludviha van Bietchoviena, adnak jany nie zmahli dakładna vyznačyć pryčynu jaho zaŭčasnaj śmierci, piša Bi-bi-si.
Hrupa daśledčykaŭ na čale z Trystanam Bieham praanalizavała pasmy vałasoŭ Bietchoviena, jakija zachoŭvalisia ŭ pryvatnych kalekcyjach (usiaho pasmaŭ było 8, ale aŭtentyčnymi byli pryznanyja tolki 5), i na asnovie hiennaj siekviencyi pryjšła da vysnovy ab tym, ad jakich zachvorvannvŭ pakutavaŭ kampazitar.
Bietchovien naradziŭsia ŭ Bonie ŭ 1770 hodzie i da 30 hadoŭ pačaŭ hublać słych, a va ŭzroście 48 hadoŭ straciŭ jaho amal całkam. Pry hetym jon praciahvaŭ składać muzyku, adnak hrać na fartepijana ŭžo nie moh.
Kampazitar pamior u Vienie ŭ 1827 hodzie va ŭzroście 56 hadoŭ.
Ab pryčynach śmierci pačali spračacca praktyčna adrazu paśla jaho śmierci, adnak za dva stahodździ pryjści da adnaznačnaj vysnovy tak i nie ŭdałosia.
Nie zmahli heta z poŭnaj upeŭnienaściu zrabić i navukoŭcy z Kiembrydža, adnak jany vyśvietlili, što ŭ Bietchoviena była hienietyčnaja schilnaść da zachvorvańniaŭ piečani (heta paharšałasia prychilnaściu da ałkaholu), a ŭ kancy žyćcia jon byŭ infikavany hiepatytam B.
Pa słovach Trystana Bieha, vyvučyŭšy zapisy kampazitara ŭ apošnija 10 hadoŭ jaho žyćcia, navukoŭcy pryjšli da vysnovy, što Bietchovien rehularna ŭžyvaŭ ałkahol, ale abjomy spažyvańnia acanić składana.
«Choć bolšaść jaho sučaśnikaŭ śćviardžaje, što pa standartach Vieny pačatku XIX stahodździa jaho spažyvańnie było ŭmieranym, chutčej za ŭsio, havorka išła ab dozach ałkaholu, jakija siońnia ličacca škodnymi dla piečani», — skazaŭ jon.
«Kali spažyvańnie ałkaholu było značnym na praciahu doŭhaha pieryjadu času, to ŭ sukupnaści z hienietyčnaj schilnaściu heta mahło stać pryčynaj cyrozu».
Pry hetym hienietyčny analiz uzoraŭ vałasoŭ kampazitara nie praliŭ śviatło na pryčyny jaho hłuchaty.
Navukoŭcy miarkujuć, što realnaj pryčynaj śmierci mahła stać sukupnaść faktaraŭ, i bolš dakładna heta zmohuć pakazać dalejšyja daśledavańni.
Ciapier čytajuć
BNTU: Vykładčyk, jaki ŭciakaŭ ad milicyi, pamior ad sardečnaha prystupu9
Kamientary