Wildberries zapuskaje prodaž elektroniki i techniki pad ułasnaj handlovaj markaj
Spačatku prodažy pačnucca ŭ Rasii, a paźniej — u Biełarusi, Kazachstanie, Armienii i ŭ inšych krainach prysutnaści retejlera.
Anłajn-retejler Wildberries zapuskaje prodaž elektroniki i bytavoj techniki pad ułasnaj handlovaj markaj. Pra heta havorycca ŭ paviedamleńni kampanii.
«U najbližejšy čas na Wildberries stanuć dastupnyja kala 100 novych najmieńniaŭ roznaj bytavoj techniki i elektroniki — chaładzilniki, pralnyja mašyny, pyłasosy, błendary, miksiery, televizary i mnohaje inšaje pad ułasnaj handlovaj markaj. Testavyja pastaŭki i prodažy elektroniki ŭžo pačalisia, popyt na ich pierasiahnuŭ čakańni», — adznačajecca ŭ paviedamleńni.
Pa danych kampanii, praź niekalki miesiacaŭ źjaviacca i hadžaty pad ułasnymi handlovymi markami: płanšety, noŭtbuki i smartfony. Košt takoj pradukcyi budzie ŭ siarednim siehmiencie.
Dla hetych pastavak kampanija raźmiaściła zakazy na zborku pradukcyi na vysokatechnałahičnych vytvorčaściach KNR, Rasii i Biełarusi. Spačatku prodažy pačnucca ŭ Rasii, a paźniej — u Biełarusi, Kazachstanie, Armienii i ŭ inšych krainach prysutnaści retejlera.
Wildberries pasprabavaŭ źmienšyć termin zachoŭvańnia tavaraŭ, ale ŭrešcie adkruciŭ usio nazad
Supracoŭniki Wildberries abviaścili maštabnuju zabastoŭku pa ŭsioj Rasii
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary