U krasaviku na čyhuncy buduć časovyja źmieny ŭ ruchu ciahnikoŭ
Biełaruskaja čyhunka papiaredziła patencyjnych pasažyraŭ pra toje, što ŭ krasaviku ŭ raskład niekatorych maršrutaŭ buduć uniesienyja časovyja źmieny, časam navat dastatkova istotnyja.
Tak, BČ paviedamlaje, što z 3 pa 6 krasavika źmienicca raskład ciahnika №615/616 Mahiloŭ — Homiel. 3 i 6 krasavika hety ciahnik adpravicca z Mahilova ŭ 8:15 (na 2 hadziny, 44 chviliny raniej, čym zvyčajna), a 4 i 5 krasavika — adpravicca z Mahilova ŭ 10:47 (na 12 chvilin raniej, čym zvyčajna).
3 i 4 krasavika ciahnik №861 Orša — Minsk adpravicca sa stancyi Orša-Centralnaja ŭ 11:58 (na 1 hadzinu, 23 chviliny paźniej, čym zvyčajna), a ciahnik №864 Minsk — Orša adpravicca ź Minska ŭ 11:23 (na 2 chviliny raniej, čym zvyčajna).
3 krasavika ciahnik №737 Minsk — Brest adpraŭleńniem ź Minska ŭ 13:15 budzie iści z prypynkam na stancyi Baranavičy-Centralnyja (zamiest stancyi Baranavičy-Paleskija).
Taksama čyhunka papiaredžvaje ab źmienie ŭ hrafiku ruchu ciahnikoŭ №737, 725 Minsk — Brest 17 krasavika. Jany adpraviacca ź Minska raniej, čym zvyčajna: ciahnik №737 — u 12:50 (na 25 chvilin raniej), a ciahnik №725 — u 14:40 (na 21 chvilinu raniej).
Taksama z 4 pa 28 krasavika šerah ciahnikoŭ rehijanalnych i mižrehijanalnych linij na ŭčastku Minsk — Baranavičy budzie iści ź nievialikimi źmienami ŭ raskładzie.
BČ prosić pasažyraŭ «z razumieńniem pastavicca da hetaj akaličnaści i ŭličvać jaje pry płanavańni pajezdak».
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA119
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary