Litoŭskaja raźviedka niepakoicca, što łukašysty mohuć vykarystać u svaich metach biełaruskuju dyjasparu
U spravazdačy ab asnoŭnych pahrozach nacyjanalnaj biaśpiecy krainy, pradstaŭlenaj 9 sakavika raźviedvalnymi słužbami Litvy, adzin z aśpiektaŭ niepasredna tyčycca Biełarusi i biełarusaŭ, prytym nie tolki režymu Łukašenki, ale i jaho apanientaŭ. Litoŭskija śpiecsłužby vykazvajuć zaniepakojenaść tym, što łukašysty mohuć zasyłać u emihranckija asiarodki svaich ahientaŭ.
Jak paviedamlaje LRT sa spasyłkaj na spravazdaču, biełaruskija słužby ŭ najbližejšy čas, vierahodna, buduć bolš intensiŭna vykarystoŭvać biełaruskuju dyjasparu Litvy dla zboru raźvieddanych.
Asnoŭnymi abjektami ich uvahi buduć litoŭskija ŭstanovy, biełaruskaja palityčnaja apazicyja i sama biełaruskaja dyjaspara. Zadača — dyskredytacyja Litvy i biełaruskaj demakratyčnaj apazicyi, akazańnie ŭpłyvu na nastroi biełaruskaj dyjaspary.
Raźviedka miarkuje, što dla zboru raźvieddanych i apieracyj upłyvu buduć vykarystanyja asobnyja pradstaŭniki dyjaspary, jakija pavieryli łukašenkaŭskaj prapahandzie i rasčaravalisia ŭ biełaruskaj apazicyi.
Śpiecsłužby majuć i kankretnyja źviestki pra toje, što ŭ asiarodździe biełarusaŭ-emihrantaŭ KDB Biełarusi ŭkaraniaje svaich ahientaŭ.
U jakaści prykładu była pryviedzienaja historyja Andreja Abramienki. Jon pražyŭ u Litvie niekalki miesiacaŭ, a paśla viarnuŭsia ŭ Biełaruś. Tam jaho zrabili hierojem prapahandysckaha telefilma pra Litvu. Paśla litoŭskija raźviedčyki vyśvietlili, što Abramienka słužyŭ u AMAP i, vierahodna, supracoŭničaŭ z KDB.
Niepakoić raźviedčykaŭ taksama razhornutaja režymam Łukašenki inicyjatyva «Daroha dadomu».
U jaje ramkach šmat chto ź biełaruskaj dyjaspary Litvy nibyta atrymaŭ na svaje akaunty ŭ telehramie prapanovy viarnucca ŭ Biełaruś, i litoŭcy taksama bačać u hetym patencyjnuju hlebu dla špijanažu.
Pa acenkach raźviedki, u siarednieterminovaj pierśpiektyvie zachavajecca pahroza nielehalnaj mihracyi ź Biełarusi. Razam z patokam mihrantaŭ u krainu buduć sprabavać patrapić i asoby, źviazanyja z ekstremizmam. Takija vypadki, jak śćviardžajecca ŭ spravazdačy, užo byli.
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary