Vydaviectva «Źmicier Kołas» časova prypyniaje svaju dziejnaść. Jość źviestki, što Źmicier Kołas — u KDB
«Šanoŭnaje spadarstva, vydaviectva prypyniaje svaju dziejnaść da asobnaha paviedamleńnia», — paviedamiła vydaviectva ŭ sacyjalnych sietkach siońnia, 5 sakavika.
Jak paviedamiła Reform.by krynica z knižnych kołaŭ, jość źviestki, što Źmicier Kołas i jaho drukar zaraz znachodziacca ŭ KDB.
Pieršapačatkova mierkavałasia, što nahodaj stała vydańnie dakumientaŭ ź dziaržarchivaŭ pra represii 1937—1939 hadoŭ «Masavyja represii ŭ SSSR u histaryčnych daśledavańniach i kalektyŭnaj pamiaci». Ale, jak śćviardžajuć krynicy «Našaj Nivy», padstavaj dla zatrymańnia stała inšaja kniha — zbornik «Vyzvalenyja i zaniavolenyja. Polska-biełaruskaje pamiežža 1939—1941 hh. u dakumientach biełaruskich archivaŭ». Jon źjaviŭsia ŭ respublikanskim śpisie ekstremisckich materyjałaŭ 17 studzienia 2023 hoda pa rašeńni suda Centralnaha rajona Minska.
Knihu vydali ŭ 2021 hodzie ŭ Minsku. U joj adlustravana staŭleńnie nasielnictva Zachodniaj Biełarusi da palityčnych, sacyjalna-ekanamičnych i kulturnych pieraŭtvareńniaŭ savieckaj ułady ŭ pieryjad ź vieraśnia 1939 hoda pa červień 1941 hoda.
Zbornik vyjšaŭ pry dapamozie Centra polska-rasijskaha dyjałohu i ŭzajemarazumieńnia.
Vydaviectva «Źmicier Kołas» viadomaje knihami suśvietnaj paezii, prozy, dramaturhii ŭ najlepšych biełaruskich pierakładach. Šyrokaje pryznańnie atrymała knižnaja sieryja vydaviectva «Paety płaniety». U cykle vyjšła 100 knižak vybitnych aŭtaraŭ śvietu — u pryvatnaści, H. Apalinera, A. Mickieviča, A. E. Adynca, B. I. Antonyča, D. Paŭłyčki, V. Sasiury, M. K. Sarbieŭskaha, U. Błejka, N. Lenau, H. Hajne, H. Hajma, A. Poccy dy inšych paetaŭ u pierakładzie na biełaruskuju movu ad znanych ajčynnych litarataraŭ i maładych pierakładčykaŭ. Tolki 28 lutaha ŭ Minskaj abłasnoj biblijatecy imia A. S. Puškina prajšła impreza z nahody 100 vypusku sieryi.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary