Śviet99

Bierłuskoni zajaviŭ, što nie staŭ by sustrakacca ź Zialenskim

Były premjer-ministr Italii Silvia Bierłuskoni zajaviŭ, što kali b jon ciapier uznačalvaŭ urad krainy, to nie staŭ by sustrakacca z ukrainskim prezidentam Uładzimiram Zialenskim, piša Bi-bi-si.

86-hadovy Bierłuskoni nie zajmaje jakich-niebudź pasad u italjanskim kabiniecie, ale źjaŭlajecca lidaram partyi «Napierad, Italija!», jakaja ŭvachodzić va ŭradavuju kaalicyju.

Žurnalisty paprasili Bierłuskoni prakamientavać sustreču ciapierašniaha premjer-ministra Italii Džordžyi Miełoni ź Zialenskim padčas samitu ŭ Brusieli na minułym tydni. U adkaz eks-premjer skazaŭ: «Ja — havaryć ź Zialenskim? Kali b ja byŭ premjer-ministram, to nikoli b tudy nie pajšoŭ».

Dalej Bierłuskoni abvinavaciŭ Ukrainu i jaho lidara ŭ tym, što jany nibyta spravakavali ciapierašniuju vajnu. Raniej Rasija nieadnarazova abvinavačvała Kijeŭ u napadzie na samaabvieščanyja «respubliki» Danbasa, adnak bolšaść krain śvietu, jak i niezaležnyja ekśpierty, ličać ciapierašnija dziejańni Rasii suprać Ukrainy niespravakavanaj ahresijaj.

«[Zialenskamu] było dastatkova spynić napadać na dźvie aŭtanomnyja respubliki Danbasa — i ŭsiaho hetaha nie adbyłosia b, — zajaviŭ Bierłuskoni žurnalistam. — Tamu ja aceńvaju pavodziny hetaha spadara vielmi-vielmi niehatyŭna».

Tym časam sama Miełoni ŭ niadzielu zajaviła, što jaje ŭrad praciahvaje ćviorda padtrymlivać Ukrainu.

U kastryčniku minułaha hoda italjanskija ŚMI apublikavali aŭdyjazapis, na jakim Bierłuskoni pryznajecca, što abmieńvaŭsia z rasijskim prezidentam Uładzimiram Pucinym padarunkami ŭ vyhladzie skryni harełki i plašak vina, a taksama «pryjemnymi listami».

Zajmajučy pasadu premjer-ministra, Bierłuskoni nie raz sustrakaŭsia z Pucinym, a sam prezident Rasii nazyvaŭ jaho svaim siabram i sajuźnikam.

Kamientary9

  • Italjanskij miedviediev
    13.02.2023
    Čieł i jeho partija, nachodiaŝijesia na finansovom dovolstvii putina, da jeŝio obieśpiečivajuŝijsia putinskim ałkoholem, nie možiet skazať ničieho druhoho.
     Italjanskij miedviediev - lubitiel utočiek i putinskoho ałkohola.
  • Uład
    13.02.2023
    Uładzimir Zialenski nie staŭ by sustrakacca z hetym ... z hetaj asobaj.
  • Manhoł
    13.02.2023
    Vyživšij iz uma prostitut bierłuskoni v principie nikomu nie intieriesien, kromie diešievych šluch.

Ciapier čytajuć

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca10

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca

Usie naviny →
Usie naviny

Hajdukievič paraiŭ vykładvać u tyktok «nie dupu»15

Biełaruska padzialiłasia ŭražańniami ad aŭtobusnaha tura ŭ Dahiestan — 32 hadziny da pieršaha načleha2

Achmataviec u Kurskaj vobłaści rasstralaŭ kramu z hranatamiota. Z-kanały zaklikali pakarać jaho, ale pozna2

Novy film z «dziciom Biełarusi». Jak «Baleryna» praciahvaje spravu Džona Uika7

U žančyny ŭ Hiermanii naradziŭsia 100-y praŭnuk

U Biełarusi krytyčna padaje naradžalnaść. A jak u susiednich krainach?16

Rasijanie nanieśli masiravany ŭdar pa Kijevie i Adesie1

Aktrysa Hanna Chitryk paviedamiła, što rak viarnuŭsia6

Čamu ŭ siarednim uzroście naša talija pavialičvajecca? Pryčyna niečakanaja1

bolš čytanych navin
bolš łajkanych navin

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca10

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca

Hałoŭnaje
Usie naviny →

Zaŭvaha:

 

 

 

 

Zakryć Paviedamić