Dyrektar biełaruskaj słužby «Radyjo Svaboda» Alaksandr Łukašuk paviedamiŭ, što pakidaje svaju pasadu.
«Za try dziesiacihodździ my tysiačy razoŭ sustrakalisia z vami ŭ efiry i na sajcie «Svabody», na knižnych prezientacyjach našaj «Biblijateki» i ŭ pieradačy «Zona Svabody» na telekanale «Biełsat». Apošnija 25 hadoŭ ja mieŭ honar uznačalvać Biełaruskuju słužbu «Radyjo Svaboda», i razam sa svaimi talenavitymi kalehami, z vašym udziełam spryjać pašyreńniu svabody ŭ Biełarusi.
Maja praca na radyjo padychodzić da kanca. U joj byli balučyja straty, zaŭčasnyja śmierci kaleh, hvałt, razhrom biuro, aryšty, turemnyja terminy dla našych advažnych žurnalistaŭ i ich blizkich, jakija i ciapier znachodziacca za kratami. Było šmat radaści ad vašaj acenki našaj pracy, vašaj padtrymki i lubovi da «Svabody». Kali-niebudź budzie napisana poŭnaja historyja «Radyjo Svaboda», a pakul na raźvitańnie ja chacieŭ by prapanavać trochi frahmientaŭ sa svajoj budučaj knihi pra maju «Svabodu», karotkija nazirańni, ahulnyja i asabistyja. Ja zaklikaju vas zastavacca sa «Svabodaj», bo heta śviata, jakoje zaŭsiody z nami», — napisaŭ na raźvitańnie Alaksandr Łukašuk, jaki ŭznačalvaŭ ŚMI z 1998 hoda.
Ciapier čytajuć
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»30
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary