Kinateatr «Maskva» zaprašaje ŭsich zakachanych pravieści noč śviatoha Valancina ŭ ich
Kinateatr «Maskva» zaprašaje 14 lutaha na «Noč kino». Anons mierapryjemstva apublikavaŭ «Kinavideaprakat».
«Nie prapuści mahčymaść paradavać svaju druhuju pałovu niezabyŭnaj padziejaj: «Noč kino». Vas čakaje nasyčanaja prahrama: konkursy, rozyhryšy, padarunki, pryjemnaja atmaśfiera, dobraja muzyka i samaje hałoŭnaje: try chity za adnu noč», — paviedamili ŭ administracyi kinateatra.
«Try chity» — heta rasijskaja mieładrama «Niepasłuchmianaja», chorar «Miehan» (ZŠA, Novaja Ziełandyja), a taksama rasijskaja kamiedyja «Pra što kažuć mužčyny. Prostyja zadavalnieńni».
Mierapryjemstva pačniecca ŭ 23.00, skončycca ŭ 5 ranicy.
Cana bileta — 30 rubloŭ.
Kamientary