Niahledziačy na kryzisnyja ekanamičnyja i palityčnyja źjavy, na rynku staličnych kvater u 2022 hodzie naziraŭsia ažyjataž. Kolkaść ździełak z kvaterami za ŭvieś minuły hod stała maksimalnaj za ŭsiu historyju nazirańniaŭ. Pryčym była pradadzienaja niečuvanaja kolkaść tannaha žylla canoj da 50 tys. dalaraŭ, piša Realt.by.
«Na fonie ahulnaj niestabilnaści najbolš zrazumiełym sposabam zachavańnia źbieražeńniaŭ dla šyrokich mas nasielnictva źjaŭlajecca kupla nieruchomaści», — tłumačać fienomien analityki Realt.
Charakterna, što pakupniki stali bolš cikavicca dvuch- i trochpakajovymi kvaterami. A dola «adnapakajovak» u ździełkach źniziłasia.
Razam z tym apošnija try hady ŭsio bolš pakupnikoŭ znachodziać sabie «biudžetnyja» kvatery da 50 tysiač dalaraŭ. U 2022 hodzie ich dola dasiahnuła 35% ad usich zaklučanych ździełak, što źjaŭlajecca samym vysokim značeńniem za apošnija 5 hadoŭ.
U toj ža čas dola ździełak ad 100 tysiač dalaraŭ źnižajecca ŭžo treci hod zapar: za 12 miesiacaŭ jana skłała tolki 7%.
Najbolš papularnymi ŭ pakupnikoŭ (amal čverć usich ździełak) byli kvatery, jakija raźmiaščajucca ŭ Frunzienskim rajonie.
Siaredniaja cana realnych ździełak padniałasia za 12 miesiacaŭ na 2,5%, ceny prapanovy vyraśli za hod na 1,6%.
Na fonie kryzisnych padziej na pačatku 2022 hoda nazirałasia rezkaje źnižeńnie siarednich cen nabytych kvater u Minsku pa ŭsich siehmientach. Adnak za košt pavieličeńnia popytu ceny ździełak na druhasnym rynku pakazali rost i viarnulisia da ŭzroŭniu, ustanoŭlenaha ŭ pieršy miesiac hoda.
Adnapakajovyja kvatery padaraželi na 5,6%, a trochpakajovyja, naadvarot, patańnieli na 1,2%.
Samaja darahaja kvatera, nabytaja na druhasnym rynku ŭ 2022 hodzie, abyšłasia pakupniku ŭ 731 tysiaču dalaraŭ. Jana była čatyrochpakajovaj ahulnaj płoščaj 297 kvadratnych mietraŭ, raźmiaščałasia na vulicy Kisialova.
Čytajcie taksama:
Na płoščy Pieramohi ŭ Minsku pradajecca kvatera teledzivy Eleanory Jazierskaj. Kolki kaštuje?
Da 28 «kvadrataŭ». Jakija mikrakvatery pradajuć u Minsku
Stała viadoma, jakija damy źjaviacca na miescy tak i nie dabudavanaha HC «Hulivier»
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary