«Navalny», «Avatar», fantastyka… Chto moža atrymać hałoŭnuju kinaŭznaharodu ŭ hetym hodzie?
Nočču 12 sakavika ŭ Łos-Andželesie projdzie 95-ja cyrymonija ŭručeńnia premii «Oskar». Siońnia ž Amierykanskaja akademija kiniematahrafičnych mastactvaŭ i navuk abviaściła śpisy tych, chto naminavany na prestyžnuju ŭznaharodu.
Lidar pa kolkaści naminacyj — fantastyčnaja karcina «Usio paŭsiul i adrazu» ad režysioraŭ Dena Kvana i Denieła Šajnierta. Film pretenduje na ŭznaharodu ažno ŭ 11 katehoryjach. Krychu mienš, pa 9 naminacyj, atrymali stužki «Na Zachodnim froncie bieź pieramien» i «Banšy Inišeryna».
Akramia vyšej aznačanych stužak, na «Oskar» za najlepšy film pretendujuć «Fabielmany» Styviena Śpiłbierha — karcina, što atrymała 5 uznaharod na sioletnim «Załatym hłobusie». Možna čakać, što krytyki adznačać i «Tar» z vydatnaj Kiejt Błanšet, i «Trochvuholnik smutku» datčanina Rubiena Estłunda — film, jaki atrymaŭ na Vieniecyjanskim kinafiestyvale Załatuju palmavuju halinku.
Členy kinaakademii nie prajšli mima «Avataru: Šlachu vady». Stužka Džejmsa Kemierana pretenduje na ŭznaharodu za najlepšy film i maje šerah inšych naminacyj, praŭda, zbolšaha techničnych. Narešcie, u lik naminantaŭ trapiła dakumientałka pra Alaksieja Navalnaha: karcina «Navalny» moža atrymać «Oskar» jak «Najlepšy dakumientalny poŭnamietražny film».
Pradstaŭlajem vam śpisy naminantaŭ u niekatorych katehoryjach:
Najlepšy film
- Na Zachodnim froncie bieź pieramien
- Avatar: Šlach vady
- Banšy Inišeryna
- Ełvis
- Usio paŭsiul i adrazu
- Fabielmany
- Tar
- Top Han: Mevieryk
- Trochkutnik smutku
- Žančyny havorać
Najlepšaja režysura
- Styvien Śpiłbierh — «Fabielmany»
- Marcin Mak-Dona — «Banšy Inišeryna»
- Den Kvan i Denieł Šajniert — «Usio paŭsiul i adrazu»
- Tod Fiłd — «Tar»
- Rubien Estłund — «Trochkutnik smutku»
Najlepšy akcior
- Ościn Batler — «Ełvis»
- Bił Naji — «Žyć»
- Brendan Frejzier — «Kit»
- Kolin Fareł — «Banšy Inišeryna»
- Poł Mieskał — «Soniejka majo»
Najlepšaja aktrysa
- Ana de Armas — «Błandynka»
- Mišel Jea — «Usio paŭsiul i adrazu»
- Kiejt Błanšet — «Tar»
- Mišel Uiljams — «Fabielmany»
- Andrea Rajzbora — «Łeśli»
Najlepšyja vizualnyja efiekty
- Top Han: Mevieryk
- Avatar: Šlach vady
- Na Zachodnim froncie bieź pieramien
- Betmen
- Čornaja pantera: Vakanda nazaŭždy
Najlepšaja apieratarskaja praca
- Bardo
- Impieryja śviatła
- Tar
- Ełvis
- Na Zachodnim froncie bieź pieramien
Najlepšy mantaž
- Usio paŭsiul i adrazu
- Top Han: Mevieryk
- Banšy Inišeryna
- Ełvis
- Tar
«Naša Niva» — bastyjon biełaruščyny
PADTRYMAĆŠto pahladzieć. «Adny z nas» (The Last of Us) — absalutna zachaplalnaja antyŭtopija
Biełaruska ŭ žury «Załatoha hłobusa» raskazała, jak vyznačała pieramožcaŭ kinapremii, i paraiła filmy dla prahladu
Pra skandynaŭskija filmy, połackija syrki, dom i paśladoŭnaść. Hutarka z dyrektarkaj najbujniejšaha biełaruskaha niezaležnaha kinafiestyvalu
Ciapier čytajuć
Baćka sa Słucka paprasiŭ dziaržavu zabrać jaho dziaciej dziela adnaŭleńnia maralnych sił1
Kamientary