Źjavilisia padrabiaznaści pra stan šaścihadovaha Mišy Hrynkieviča z Hrodna, jaki byŭ u komie paśla taho, jak trapiŭ pad mašynu ŭ Biełastoku. Stan dziciaci zastajecca ciažkim, adnak chłopčyk užo sprabuje dychać samastojna i skazaŭ pieršaje paśla zdareńnia słova — «mama».
Maci chłopčyka paviedamiła padpisčykam u instahramie, što «Miška da nas viartajecca». Pavodle jaje słoŭ, stan chłopčyka zastajecca ciažkim, adnak jość nievialikija stanoŭčyja źmieny. Tak, Miša sprabuje dychać samastojna i reahuje na prychod rodnych: ubačyŭšy mamu, jon zapłakaŭ.
«Ja padyšła, kažu: «Lublu ciabie», jon zapłakaŭ. Moj syn zapłakaŭ i ścisnuŭ ruku», — piša Viktoryja Abramienia. Paśla hrodzienka dadała, što chłopčyk zmoh prašaptać słova «mama».
17 studzienia ŭ Biełastoku 22-hadovaja kiroŭca Toyota na piešachodnym pierachodzie źbiła dzicia, jakoje pierachodziła vulicu razam z maci. Chłopčyka dastavili ŭ balnicu i ŭviali ŭ štučnuju komu. Jon razam z mamaj i bratam pryjechaŭ u Polšču na niekalki dzion.
Dla dapamohi maleńkamu Mišy abvieščany zbor srodkaŭ.
Čytajcie taksama:
«Lekary nie śpiašajucca z prahnozami». Biełaruski chłopčyk u ciažkim stanie paśla najezdu ŭ Biełastoku, treba dapamoha
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynaj, na 20 hadoŭ małodšym za jaje1
Kamientary