Kataliki paprasili dapamahčy vyrašyć pytańnie Čyrvonaha kaścioła čałavieka, znajomaha z Vatykanam «jak nichto inšy»
Parafija minskaha Čyrvonaha kaścioła źviarnułasia ź listom da ministra zamiežnych spraŭ Siarhieja Alejnika z prośbaj paspryjać viernikam u mahčymaści jak najchutčej viarnucca ŭ svoj chram.
«Užo čaćviorty miesiac vierniki-parafijanie, a ich u parafii bolš za dziesiać tysiač, pazbaŭlenyja svajho chrama, a dzieci — mahčymaści naviedvać niadzielnuju škołu», — havorycca ŭ liście čynoŭniku ad parafii.
Vierniki źviarnuli ŭvahu, što zaharańnie adbyłosia ŭ prybudovie (kancylaryi) i zakranuła ŭsiaho tolki 20 kv. m płoščy, a «nakont pryčyny incydentu-zaharańnia — supiarečlivaja infarmacyja».
«Vy doŭhija hady pradstaŭlali Biełaruś u Vatykanie i jak nichto inšy viedajecie duchoŭna-miratvorčuju nakiravanaść dziejnaści Apostalskaj Stalicy», — padkreśliŭ kaścielny kamitet.
Reč u tym, što Siarhiej Alejnik u 2002—2009 hadach byŭ pastajannym pradstaŭnikom pry AAN i inšych mižnarodnych arhanizacyjach u Ženievie, pasłom pry Apostalskaj Stalicy i Maltyjskim Ordenie. Paźniej jon zachoŭvaŭ za saboj funkcyi kiraŭnika dyppradstaŭnictva ŭ Vatykanie.
Čyrvony kaścioł začynili dla viernikaŭ i śviataroŭ paśla pažaru, jaki adbyŭsia 26 vieraśnia. Praź niejki čas parafijanam vydzielili pamiaškańnie ŭ Kafiedralnym kaściole. U pačatku śniežnia stała viadoma, što administrataram kaścioła pryznačany Juryj Sańko, a raniejšy probašč, ksiondz Uładzisłaŭ Zavalniuk, ad kiravańnia kaściołam adchileny.
-
«U 2020-m chtości prystaviŭ nož da horła kiroŭcy, a chtości puknuŭ». Lidar «Drazdoŭ» vielmi dziŭna pakajaŭsia za 2020 hod
-
Hurtu «Drazdy», jaki źbiraŭsia kidać scenu praz zabaronu vystupać u bujnych haradach, dazvolili abłasnyja centry. Ale nie Minsk
-
U Homieli zavočna asudzili Andreja Stryžaka, Alaksieja Lavončyka i Sašu Źvieravu
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški46
Kamientary
i eti ,,śviatyje ludi,, prikryvajutsia dieťmi...
a podumali choť - ono dietiam nado?
pośle 5-6 dniej prosto škoły, siekcij i kružkov
potom jeŝie i voskriesnaja škoła?
i čto chorošieho v voskriesnoj škole?
i kohda dietiam otdychať?