Plunuŭ na režym paśla zahadu zatrymać Kaleśnikavu. Kapitan «Ałmaza», jaki pierajšoŭ na bok naroda, — chto taki Ihar Čamiakin
KDB zajaviŭ, što skončyŭ čarhovaje «rasśledavańnie» čarhovaj «spravy ab teraryźmie» i pieradaŭ materyjały ŭ prakuraturu. Samaja zajmalnaja postać u śpisie — Ihar Čamiakin.
Abvinavačvanych 18, siarod ich jość byłyja supracoŭniki orhanaŭ, naprykład, instruktar AMAPa Eduard Piastrak. U śpisie abvinavačvanych, aryštavanych zavočna, jość i inšaja zajmalnaja fihura — Ihar Čamiakin.
Čytajcie: Supracoŭnik minskaha AMAP znajšoŭsia ŭ «amierykancy»: jaho zatrymali pa artykule «Akt teraryzmu»
Internet viedaje jaho jak byłoha bajca MMA. Ale nasamreč Čamiakin — były aficer śpiecatrada MUS «Ałmaz», na momant zvalnieńnia ź jaho słužyŭ u zvańni kapitana.
Cikava, što Čamiakin maje piersanalnuju staronku na sajcie «Biełaruskaha narodnaha trybunała» jak asoba, jakaja ŭdzielničała ŭ padaŭleńni žnivieńskich pratestaŭ.
Jamu prypisvajecca ŭdzieł u žorstkim razhonie pratestoŭcaŭ na skryžavańni Puškina i Prytyckaha (st. m. Puškinskaja). Tady vialikaja hrupa ŭzbrojenych asob u poŭnaj amunicyi vyjšła z bazy «Ałmaza» ŭ rajonie vulicy Kalvaryjskaj i pajšła ŭ bok «Puškinskaj», paralelna stralajučy va ŭpor u mirnych hramadzian.
Jak viadoma «Našaj Nivie», Čamiakin sapraŭdy ŭdzielničaŭ u žnivieńskich razhonach i zatrymańniach u składzie «Ałmaza». Ale dalej jaho los paviarnuŭsia ŭ inšy bok.
Pryncypovaje rašeńnie syści sa słužby, pa našaj infarmacyi, Čamiakin pryniaŭ paśla atrymańnia zahadu zatrymać Kaleśnikavu ŭ składzie hrupy «Ałmaza» — jana była vykradzienaja na vulicy ŭ Minsku ŭ vieraśni 2020-ha.
Maŭlaŭ, vajavać siłami śpiecyjalnaha padraździaleńnia suprać adnoj žančyny — apošniaja kropla dla aficera. Jon admoviŭsia ad vykanańnia zadańnia i napisaŭ rapart na zvalnieńnie. U vyniku jaho adchilili ad vykanańnia hetak zvanych «zadač» i praź niekalki miesiacaŭ zvolnili.
Čym potym zajmaŭsia Čamiakin, my nie viedajem.
Što kankretna staviać u vinu byłomu ałmazaŭcu śpiecsłužby Łukašenki, pakul dakładna nieviadoma, a sam Čamiakin z presaj nie razmaŭlaje, tamu my pakul prytrymajem infarmacyju pra toje, jakija mienavita hierojskija ŭčynki prypisvajuć jamu kalehi.
Mierkavana, što z pačatkam uvarvańnia Rasii va Ukrainu śpiecnazaviec prajaviŭ siabie ŭ abaronie Ukrainy i praciahvaje kašmaryć rasijan u składzie adnaho sa śpiecpadraździaleńniaŭ.
«Naša Niva» — bastyjon biełaruščyny
PADTRYMAĆ-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary