Jakija damy niedaloka ad Minska možna kupić pa canie adnapakajoŭki
Na pačatak studzienia siaredniaja cana na adnapakajovuju kvateru ŭ stalicy składaje kala 45 000 dalaraŭ. Pahladzieli, što z damoŭ u Minskim rajonie možna nabyć pa takoj canie.
Hramadski transpart i maršrutnaje taksi kožnyja 15 chvilin
U Sienicy za 45 tysiač dalaraŭ vystaŭleny na prodaž draŭlany dom 1980 hoda pabudovy. Ahulnaja płošča — usiaho 42 m², učastak — krychu mieniej za 7 sotak. Z sučasnaha ŭ hetym domiku, badaj, tolki mietałačarapičny dach.
Ramont u domie, miarkujučy pa zdymkach, apošni raz rabili adrazu paśla pabudovy, ale kacioł davoli sučasny.
Aproč doma, na ŭčastku jość haraž i haspadarčyja pabudovy. Aciapleńnie ŭ domie pracuje ad hazavaha katła, vodazabieśpiačeńnie centralnaje, a voś kanalizacyja — miascovaja.
U apisańni da abjekta paznačana, što vakoł doma dobra raźvitaja infrastruktura: hramadski transpart i maršrutnaje taksi chodziać kožnyja 15 chvilin, blizka jość niekalki kram, bank, pošta, paliklinika, dziciačy sadok, ahulnaadukacyjnaja i muzyčnaja škoły.
«Dla tych, chto stamiŭsia ad pastajannaj mituśni»
U pasiołku Aronava Słabada za 45 tysiač dalaraŭ pradajuć dvuchpaviarchovy draŭlany dom 2010 hoda pabudovy ahulnaj płoščaj amal 150 «kvadrataŭ». Dom staić na ŭčastku 16,6 sotki.
Z centralnych kamunikacyj tut tolki vada i elektryčnaść. U abjavie paznačana, što hety dom niepadalok ad Minska śpiecyjalna dla tych, chto stamiŭsia ad pastajannaj mituśni i «terminova maje patrebu ŭ adpačynku ad haradskoha šumu». Da haradskoha šumu ad doma mienš za 10 kiłamietraŭ.
«Na pieršym paviersie prastornaja terasa, vialikaja kuchnia i łaźnia. Na druhim paviersie dva pakoi dla adpačynku», — havorycca ŭ apisańni. Unutry dom ababity vahonkaj.
Pradaviec paznačaje, što šlach da Minska na mašynie zajmaje ŭsiaho 15 chvilin. Kali ŭłasnaha transpartu niama, to prykładna stolki ž času daviadziecca iści pieššu da prypynku hramadskaha transpartu.
Siarod pieravah — blizkaść Minskaha mora (10 chvilin na aŭto) i pryhožyja krajavidy.
U Śvietły Šlach!
Pa takoj samaj canie pradajuć dom u vioscy Śvietły Šlach Minskaha rajona, za 24 kiłamietry ad MKAD.
Draŭlany dom z błočnymi prybudovami maje płošču ŭ 97 «kvadrataŭ». Učastak — amal 19 sotak.
Z centralnych kamunikacyj tolki elektryčnaść i vada. Aciapleńnie paravoje, kacioł na ćviordym palivie, kanalizacyja miascovaja.
«Kapitalny padmurak, błokavaja prybudova, škłopakiety, dva ŭvachody, vysokija stoli. Mahčymaść abstalavańnia mansardnaha paviercha. Majucca haspadarčyja pabudovy», — havorycca ŭ apisańni da abjekta.
Cichija i intelihientnyja susiedzi
Inšy pryvatny dom za 45 000 dalaraŭ pradajuć za 19 kiłamietraŭ ad MKAD pa Miadzielskim kirunku. Dom pabudavany ŭ 1959 hodzie, płošča ŭčastka — 25 sotak, ziamla znachodzicca ŭ pryvatnaj majomaści.
Z elemientaŭ cyvilizacyi — tolki elektryčnaść. Sanvuzieł na vulicy. Škoła, dziciačy sad, ambułatoryja, carkva, zapraŭka i pošta — 5 chvilin na aŭtamabili. A les i stavok — 10 chvilin.
«Hety dom i ŭčastak — vydatny varyjant dla tych, chto choča pabudavać dom svajoj mary, bo možna budavać dom i adnačasova žyć u tym, jaki ŭžo jość», — havorycca ŭ abjavie. Taksama pradaviec adznačyŭ, što pobač žyvuć cichija i intelihientnyja susiedzi.
Čytajcie taksama:
«Bolš elitny za Drazdy». U Minsku pradajuć dom za rekordnyja hrošy
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary