«Bolš elitny za Drazdy». U Minsku pradajuć dom za rekordnyja hrošy
U kancy 2022 hoda na prodaž vystavili asabniak za 3,65 miljona dalaraŭ, jaki na siońnia źjaŭlajecca samym darahim pradavanym domam u Biełarusi. Niahledziačy navat na toje, što jon nie dabudavany. Ale takuju canu pradaviec abumoŭlivaje ŭ tym liku łakacyjaj. «Bolš elitny za Drazdy. Daražejšy za Italiju», havorycca ŭ abjavie. Dzie znachodzicca hety katedž, piša Realt.by.
Što heta za dom?
Hety trochpaviarchovy cahlany dom, pabudavany (ale nie zavieršany) u 2015 hodzie. Dach — miakkaja čarapica, padakońniki — kamień. Usie haradskija kamunikacyi praviedzienyja.
Płošča doma — 1365 kvadratnych mietraŭ. Usiaredzinie tam pakul što tak, jak na fota.
Učastak — 25 sotak.
«Bolš elitny za Drazdy. Daražejšy za Italiju. Usio, jak vy lubicie! Pasiołak zakrytaha typu. Anałahaŭ u Biełarusi niama. Ekskluziŭ i inšyja epitety. Na terytoryi ŭsiaho 20 katedžaŭ. Achova, KPP, videanazirańnie, abharodžanaja terytoryja i inšaja lubata. Dla vašaha kamfortu zakrytaja altanka z kuchniaj, vialikaj zonaj dla barbiekiu, karaokie, štučny zarybleny vadajom, ściežki dla prahułak, tenisnyja korty, dziciačyja placoŭki», — pišuć u abjavie.
I što heta za pasiołak?
Pasiołak, pra jaki idzie havorka, znachodzicca ŭ tupiku vulicy Kalcova. Jon pabudavany ŭ 2015 hodzie. Z adnaho boku ad jaho les, z druhoha — Cnianskaje vadaschovišča.
Voś prykładnyja miežy hetaha pasiołka na karcie (dom, jaki pradajecca — pad numaram 209).
Farmalna hety pasiołak padzieleny na dva ziamielnyja ŭčastki, ale fizičnych miežaŭ pamiž hetymi ŭčastkami niama. Adzin byŭ pieradadzieny ŭ arendu kampanii «Dana Astra», inšy — kaapieratyvu «Novaje Kolca». Mienavita hetyja arhanizacyi adkazvajuć za ŭtrymańnie i dobraŭparadkavańnie pasiołka, a taksama za propusk na jaho terytoryju.
Asabniak, jaki pradajecca, znachodzicca na ŭčastku, jakim kiruje «Novaje Kolca». Tut kožny ŭčastak kala doma naležyć ułaśniku kankretnaha doma.
U hetym pasiołku jość i svaje vulicy — naprykład, vulica Stefanii Staniuty. U 2019 hodzie była takaja historyja, što praŭnučku słavutaj aktrysy Mielicinu nie puścili na vulicu imia jaje babuli, tamu što pasiołak zakryty. Heta atrymała rezanans u ŚMI, u vyniku pradstaŭniki «Dany» navat praviali Mielicinie i jaje baćku ekskursiju pa hetaj zakrytaj vulicy.
Ciapier čytajuć
Stali viadomyja padrabiaznaści taho, jak u Vjetnamie zatrymali Vieramiejčyka21
Kamientary
hladzicie (źvierchu) - u płanie ŭtvaraje kryž... zboku niešta niejkaje tam kruhłaje prybudavana... zvanica? damavaja carkva? usypalnia?
cybulki aślapicialnyja źvierchu babachnuć i... op! hatovaja carkva