Siońnia ranicaj kanał «MatolkaPamažy» źviarnuŭ uvahu na toje, što ŭ konkursie na najlepšuju marku ad «Biełpošty» prymaje ŭdzieł marka, stvoranaja razam z «Achovaj ptušak Baćkaŭščyny», — na joj namalavanaja biełaja sinica.
APB — pryrodaachoŭnaja arhanizacyja, jakuju likvidavali ŭ 2021 hodzie. Jaje eks-dyrektar Viktar Fiančuk atrymaŭ 2,5 hoda pazbaŭleńnia voli.
Pakul marku nie zaŭvažyli, jana zajmała siomaje miesca ŭ rejtynhu marak hoda, a ciapier upeŭniena trymaje pieršaje (kolkaść hałasoŭ litaralna za paru hadzin vyrasła z 86 da 1993 pa stanie na 15 hadzin 10 chvilin).
Hetaja navina aburyła prapahandystaŭ: jany ŭ svaich telehram-kanałach stali pisać hnieŭnyja pasty pra toje, što «APB» — ekstremisty i dzie heta vidana, kab «niadobranadziejnyja» marki ŭdzielničali ŭ takich konkursach.
Darečy, prahałasavać za «biełuju sinicu» možna pa hetaj spasyłcy. Tolki karystacca varta časovym mejłam.
«Biełpošta» źniała z hałasavańnia marku ź biełaj sinicaj
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary