MTZ Traktorius, jakaja adpracavała krychu bolš za dva z pałovaj hady na litoŭskim rynku, stała šostaj kampanijaj ź biełaruskim kapitałam, uniesienaj u stop-list miascovaj Słužby pa rasśledavańni finansavych złačynstvaŭ (FNTT), piša Office Life.
Pa słovach kiraŭnika MTZ Traktorius Virhiliusa Libierysa, bankaŭski rachunak dylera biełaruskaha vytvorcy byŭ zamarožany jašče ŭ červieni. Ciapier kampanii nie zastajecca ničoha inšaha, jak zaviaršać dziejnaść i likvidavacca. Pa danych litoŭskich rejestraŭ, letaś vyručka MTZ Traktorius skłała €1,3 młn, dyler atrymaŭ stratu ŭ pamiery €18 tys., u kampanii pracavali 3 čałavieki.
U ciapierašni čas u sankcyjny śpis, jaki składaje FNTT na padstavie rašeńniaŭ Jeŭrasajuza, uvachodziać 16 kampanij z zasnavalnikami ź Biełarusi i Rasii. Aktyvy jaho fihurantaŭ zamarožanyja.
Ź jurydyčnych asob ź biełaruskim kapitałam, akramia MTZ Traktorius, u stop-list patrapili Prekybos namai BMZ-Baltija, Belintertrans Baltic i try kampanii, źviazanyja ź biznesoŭcam Alaksandram Šakucinym, — JEM Systems, EM Industry i Amkodor Baltic.
Čytajcie taksama:
«My, hruba kažučy, kampanija Łukašenki». Pradaviec biełaruskich traktaroŭ u Litvie spyniaje dziejnaść z-za sankcyj
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary