16 listapada na adnym z homielskich zavodaŭ spynili pracu 8 roznych mietałaapracoŭčych stankoŭ. U pryčynach razabralisia chutka — zboj prahramnaha zabieśpiačeńnia. Pra zdareńnie paviedamili ŭ milicyju.
Apieratyŭniki kryminalnaha vyšuku i hrupy pa supraćdziejańni kibierzłačynnaści Savieckaha RAUS h. Homiela ŭstanavili, što da hetaha datyčny 35-hadovy naładčyk stankoŭ i manipulataraŭ z prahramnym kiravańniem ŭčastka miechaničnaj apracoŭki zavoda. Ranicaj taho dnia jon sa svajho pracoŭnaha miesca vydaliŭ sistemnyja fajły i niesankcyjanavana vyklučyŭ dziesiać źmiennych modulaŭ pamiaci z prahramnym zabieśpiačeńniem stankoŭ i kirujučymi prahramami apracoŭki detali.
5 stankoŭ naležali ŭłasna zavodu, 3 inšych znachodzilisia ŭ arendzie minskaha chołdynhu. Z-za dziejańniaŭ rabotnika na zavodzie byŭ prypynieny vypusk šerahu detalaŭ, jakija paśla ich vyrabu padlahali nakiravańniu na zboračny kanviejer staličnaha zavoda. Pradpryjemstvu naniesieny ŭron u sumie bolš za 55 tysiač rubloŭ.
Śledčymi ŭ dačynieńni da naładčyka zaviedziena kryminalnaja sprava pa fakcie madyfikacyi kampjutarnaj infarmacyi, što paciahnuła pryčynieńnie istotnaj škody. Z metaj ustanaŭleńnia ciažaru nastupstvaŭ, pryčynienych zavodu, pryznačanyja dadatkovyja kampjutarna-techničnyja ekśpiertyzy. Mužčyna aryštavany i źmieščany ŭ SIZA.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary