Jašče adnaho fihuranta «spravy Cichanoŭskaha» pieraviali ŭ turmu
9 listapada ŭ sudzie Škłoŭskaha rajona razhladzieli spravu ab uzmacnieńni režymu palitviaźniu i pieravodzie Arcioma Sakava na turemny režym. Pa rašeńni suda jaho pieraviali na turemny režym u Mahiloŭ, paviedamlaje «Viasna».

Arciom — były pamiežnik, siabra inicyjatyŭnaj hrupy Śviatłany Cichanoŭskaj i adzin ź videaapierataraŭ Youtube-kanała «Strana dla žiźni». Jaho abvinavacili pa čatyroch artykułach Kryminalnaha kodeksa. 14 śniežnia ŭ Homieli Arciomu prysudzili 16 hadoŭ źniavoleńnia ŭ kałonii ŭzmocnienaha režymu pa «spravie Cichanoŭskaha». Viadoma, što administracyja škłoŭskaj kałonii 19 žniŭnia źmiaściła Arcioma ŭ PKT terminam na čatyry miesiacy.
Niadaŭna sud pastanaviŭ, što ŭsie fihuranty pavinny vypłacić 22 miljony rubloŭ kampiensacyi «supracoŭnikam Ministerstva ŭnutranych spraŭ za dadatkovy čas na słužbie padčas paślavybarčych pratestaŭ».
Padtrymajcie palitviaźnia: Turma №4, 212011, h. Mahiloŭ, vuł. Krupskaj, 99A, Arciom Mikałajevič Sakaŭ
-
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič
-
Ramont Čyrvonaha kaścioła pačnuć u červieni
-
Jak płanujuć pravodzić lustracyju ŭ Biełarusi i chto pad jaje trapić? Ofis Cichanoŭskaj pradstaviŭ kancepcyju
Kamientary