Kubrakoŭ anansavaŭ stvareńnie ŭ MUS novych śpiecpadraździaleńniaŭ i dalejšuju baraćbu suprać «ekstremizmu»
Vystupajučy ŭ efiry telekanała «Biełaruś 1», ministr unutranych spraŭ Ivan Kubrakoŭ paviedamiŭ, što va ŭnutranych vojskach i ŭ AMAP źjavicca niekalki novych śpiecyjalnych padraździaleńniaŭ, jakija buduć mabilnymi i hatovymi dziejničać u luboj miascovaści, na terytoryi ŭsioj Biełarusi. Asnoŭny vorah tradycyjny — niazhodnyja z režymam.
«Na siońniašni dzień padrychtoŭka śpiecyjalnych padraździaleńniaŭ žyćciova nieabchodnaja. Z hetaj metaj udaskanalvajecca najaŭnaja sistema. Śpiecyjalnyja padraździaleńni buduć stvoranyja nie tolki va ŭnutranych vojskach, ale i ŭ atradach milicyi asobaha pryznačeńnia. Nieabchodnaja technika dla hetych metaŭ užo zakuplenaja. Stvoranyja padraździaleńni buduć rychtavacca da supraćdziejańnia pahrozam i vyklikam, jakija isnujuć z ulikam ciapierašnich realij», — skazaŭ Kubrakoŭ.
Pahrozy i vykliki — nie tolki źniešnija, źviazanyja z vajnoj va Ukrainie, choć i jany taksama padčas razmovy zhadvalisia. Ale nie abminuŭ uvahaj łukašenkaŭski ministr i nieabchodnaść praciahvać vajnu suprać ułasnaha naroda:
«Niahledziačy na toje, što kolkaść takich [«ekstremisckich»] złačynstvaŭ na terytoryi Biełarusi źnižajecca, tyja źbiehłyja, jakija ździajśniali złačynstvy ŭ 2020 hodzie i ciapier znachodziacca za miežami krainy, sprabujuć raschistać situacyju, — adznačyŭ Kubrakoŭ. — 80% takich złačynstvaŭ ździajśniajecca praź internet».
I paśla hetaha pierajšoŭ da pahroz: «Da viedama tych, chto dumaje, što možna zastavacca ananimnymi, — siońnia sistema MUS pajšła napierad. Našy padraździaleńni internet-vyviedki vyjaŭlajuć i vyznačajuć asob, jakija vynošvajuć namiery ŭčynić niejkija supraćpraŭnyja dziejańni». A ŭ jakaści prykładu zhadaŭ pra niadaŭnija zatrymańni «terarystyčnych hrup».
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary