U Biełarusi źbirajucca zakonam admianić mahčymaść navučańnia na movach nacmienšaściaŭ
Pałata pradstaŭnikoŭ rychtujecca pryniać u pieršym čytańni prajekt zakona «Ab źmianieńni zakonaŭ pa pytańniach adukacyi», dakumient apublikavany na Nacyjanalnym pravavym internet-partale. Akramia inšaha, papraŭki zakranuć i moŭnyja pytańni.
Siarod inšaha prapanujecca źmianić artykuły 21 i 22, dzie havorycca ab movach navučańnia ŭ škołach, VNU i inšych ustanovach adukacyi. Žychary Biełarusi pavodle zakona buduć mieć prava vučycca jak na ruskaj, tak i biełaruskaj movach, ale zamiest ciapierašniaj farmuloŭki «na biełaruskaj abo ruskaj movach» u zakonie budzie napisana «na biełaruskaj i (abo) ruskaj movach».
Taksama z artykuła 21 prybirajecca fraza: «Prava na vychavańnie i atrymańnie adukacyi na rodnaj movie majuć i asoby inšych nacyjanalnaściaŭ, jakija žyvuć u respublicy».
U artykule 22 budzie ciapier napisana, što ŭ dziciačych sadkach i škołach navučańnie moža być na zamiežnaj movie pa ŭzhadnieńni ź Ministerstvam adukacyi i «pry najaŭnaści ŭmoŭ». U raniejšaj viersii zakona havaryłasia, što pa žadańni vučniaŭ i baćkoŭ (zakonnych pradstaŭnikoŭ), pa rašeńni miascovych uładaŭ i pry ŭzhadnieńni ź Minadukacyi mohuć stvaracca kłasy abo škoły, dzie navučajucca na movach nacmienšaściaŭ.
Kali zakon budzie pryniaty, novaŭviadzieńni ŭstupiać u siłu paśla aficyjnaha apublikavańnia. Praŭda, u situacyi z adukacyjaj na movach nacyjanalnych mienšaściaŭ jany ničoha asabliva nie pamianiajuć, bo z hetaha hoda 2 polskija i 2 litoŭskija škoły, jakija isnavali ŭ Biełarusi dahetul, de fakta likvidavanyja i tak — z hetaha hoda moŭny režym u ich dyrektyŭna źmienieny, biez uliku mierkavańniaŭ vučniaŭ i ich baćkoŭ.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali14
Kamientary